چريمة باسم الحب

أحتفل به مش اليوم اللي اتولدت فيه انما النهاردة.
حسين بحيرة النهاردة.
ماهي بحب زي النهاردة كان أول يوم نتقابل فيه لما كنت بازور بابي وقت ما أنت كنت بتساعده في أول مشروع لشركتنا.
حسين بسعادة النهاردة.
ماهي بحب وأنا بقى شايفة أن يوم ميلادي اللي يستحق أحتفل به هو اليوم اللي قابلتك فيه وقررت أن كل سنة احنا الاتنين هنحتفل بعيد ميلادنا في نفس التاريخ ده كل سنة واحنا طيبين يا عمري.
ليحتضنها حسين بسعادة وهو يحمد ربه على نعمه عليه ويستغفره على كل لحظة يأس واستسلام تمكنت من قلبه.
عودة لمكتب أحمد بدار الرعاية
دلفت السيدة الثانية للمكتب بتردد وبعينيها نظرات خجلة.
السيدة بحرج سلام عليكم.
نعم بابتسامة وهي تشير للسيدة بالجلوس وعليكم السلام اتفضلي حضرتك اسمك أيه.
السيدة بتوتر أنا اسمي سامية.
نعم برفق أهلا يا مدام سامية شرفتيني ممكن أعرف قضيتك أيه.
سامية بتوتر أنا عايزة اطلق بس محدش من أهلي راضي يوقف جنبي بيقولوا لي أني بدلع وست ظالمة عايزة ابهدل عيالي في المحاكم.
نعم بابتسامة أكيد هما غلطنين مفيش حد بيحب يبهدل نفسه من غير سبب بس واضح أنك مقدرتيش تقنعيهم بالسبب ممكن بقى أعرف أنا أيه السبب ده.
سامية بضيق رخم وبارد وبرطة كده.
نعم پصدمة برطة اللي هو أزاي يعنيبحرج بتشتكي من الحرمان يعني.
سامية بسرعة لا الصراحة هو طبيعي بحسرة بس مبيعرفش يقول كلمتين حلوين على بعض عمره ما بخل علي بحاجة بس برضو عمره ما فرحني بمفاجأة اللي باطلبه بيدهوني وخلاص عمره ما مد أيده علي بس برضو مش حامي كده ومنحرر.
نعم بخبث وأنت متأكدة أنك لو اتطلقتي منه هيتقدم لك الحامي المنحرر ده.
سامية بتوتر وأعين زائغة الدنيا مليانة وكل واحدة نصيبها مستنيها.
نعم بهدوء بس حاسة كده أنك عارفة نصيبك فين وطبعا أنا المحامية بتاعتك والمفروض نكون صرحا مع بعض.
سامية بتردد بصراحة هو أنا تقريبا عارفة بثقة بس ربنا العالم أني عمري ما عملت حاجة تغضب ربنا يعني احنا بتكلم على الفيس وبس وكلام عادي كمان أوعي تفتكريني من الستات الخاېنة.
نعم بحسم اسمع بالتفصيل وبعدين أقولك.
سامية بحرج هو أسمه كامل كان جارنا وكنت بحبه قوي كنا متفقين على كل حاجة حتى اسماء عيالنا بس لما فكر يتقدم أمه قلبت الدنيا عشان كان بينها وبين أمي مشاكل وبعدين شوقي اتقدم لي واتجوزنا وخلفنا سلوى وسامي بابتسامة بس من كام شهرلقيته دخل لي خاص بيقولي أنه عمره ما نسيني وأنه خطوبته اتفسخت مرتين عشان مش قادر يحس بحد غيري وأن أمه ماټت وأنه مش عايز اكتر من أني أكلمه عشان ما يحسش أنه لوحده.
نعم بضيق وكلمتيه
سامية بتوتر في الأول كنا بنتكلم بسيط يعني بنطمن على أحوال بعض وبعدين بقينا نحكي لبعض كل حاجة بحرج وبعدين رجع يقول انه بيحبني ومش قادر يتخيلني مع واحد غيره الأول كنت بصده وأهدده أني مش هاكلمه تاني بس بصراحة كلامه كان بيفرحني ويحسسني أني ست أصل شوقي كان طول الوقت في الشغل وحتى وهو في البيت يبقى يا ساكت يا نايم.
نعم بجدية وهو دلوقتي مستعد يتجوزك.
سامية بفرحة هيتجنن مش مصدق نفسه وبيقول أنه هيعوضني عن كل لحظة بعدتها عنه.
نعم باهتمام وولادك
فاطمة بتوتر هو بيقول أن أكيد شوقي هيصمم يفضلوا معه خصوصا بعد ما نتجوز وأن الاحسن منعملش مشاكل معه وأنه هيخلني أشوفهم وقت ما أنا عايزة.
نعم بحزم أشك تفتكري أن واحد بيغير من جوزك وأنت على ذمته هيسمح لك تكوني على علاقة بولادك منه بعد ما تبقي مراته هو.
سامية بثقة لا كامل بيحبني ومش هيحرمني من ولادي طبعا.
نعم بتأكيد صدقيني أنا مش باحاول أضايقك بس لو كان بيحبك كان اتمسك بيكي زمان كان وقف قدام مامته

وصمم يخطبك لكن هو راضها على حسابك ودلوقتي بيراضي نفسه على حساب بيتك وولادك وكمان سمعتك قامت من خلف المكتب لتجلس بالكرسي المقابل لها وهي تنظر بعينيها فكري فعيالك اللي مايستاهلوش تسبيهم فكري فالراجل اللي سلمك أسمه وحياته اللي مايستاهلش تخونيه كده.
سامية بانفعال حلفت لك بالله أن كل اللي بينا كلام على الفيس وأني عمري ما عملت حاجة تغضب ربنا.
نعم برفق وأنك تكلمي رجل غريب وتحكي له كل حاجة عن حياتك دي مش حاجة تغضب ربنا ولما تسمحيله يقولك كلام حب وتبقي فرحانة بده دي مش حاجة تغضب ربنا اقترب منها تربت على كتفها بحنان عارفة أنك انسانة كويسة ومكنتيش قاصدة تغضبي ربنا لكن الشيطان ساحبك لحد ما اتفقتي على الجواز مع رجل وأنت لسه على ذمة جوزك مع ان ربنا نهى عن خطوبة المخطوبة فما بالك بالمتجوزة.
سامية پبكاء والله ڠصب عني ما أنا كمان بني أدمه محتاجة احد يحسسني بحبه ويراعيني.
نعم بعتاب مين قال أن الكلام هو دليل الحب الكلام مفيش أسهل منه لكن اللي بيحبك بجد هو جوزك اللي صاينك ومقدرك مش هانك وبيأذيكي.
سامية بانفعال ليه كلكم بتفكروا بنفس الطريقة هو معنى أن جوزي بيصرف علي يبقى خلاص عمل اللي عليه وأحمد ربنا.
الطلاق زي أي حاجة في الدنيا سلاح ذو حدين ده غير أنه أبغض الحلال إلى الله وتجنبه أفضل بقدر المستطاع.
م
الحلقة التاسعة عشر والعشرين
نعم بصدق على فكرة أنا مقصدتش الفلوس نهائي بصاينك لكن باتكلم عن أنه واخدك في النور ومحافظ على كرامتك وطبعا من حقك أن تشبعي احتياجاتك العاطفية كمان الدنيا مش أكل وشرب وبس.
سامية بانفعال وأنا أول ما طالبت بالحق ده الدنيا اتقلبت مع أن محدش عرف حاجة عن كامل بس أول ما قولت أن هاطلق عشان شوقي مش مهتم محدش فهمني حتى أمي.
نعم باستنكار أذا كنتي أنت مش فاهمة عايزة هما يفهموا.
سامية باستنكار يعني أيه مش فاهمة نفسي.
نعم بثقة أنت ليه مفكرتيش في عيوب شوقي في الكام سنة اللي اتجوزتهم قبل ما يظهر كامل في حياتك.
سامية بتلقائية يعني أهي كانت عيشة والسلام قبل ما أعرف أن ناقصني كتير.
نعم بهدوء قصدك كنتي راضية بعيشتك قبل الشيطان ما يدخل ما بينكم.
سامية باستنكار أنا مش صغيرة عشان حد يضحك علي.
نعم بصدق طبعا بس برضو الزن على الودان أمر من السحر جربي كده تخرجي كامل من المعادلة.
سامية بحيرة يعني أيه!
نعم بهدوء خليكي صادقة مع نفسك فكري في حياتك قبل ما كامل يكلمك هي فعلا كانت حياة وحشة واسألي نفسك لو كامل مش عارض عليكي الجواز كنتي برضه هتصممي على طلب الطلاق.
سامية باستنكار بس كامل موجود وعايز يتجوزني.
نعم بمرواغاة بس وجوده غلط وحرام لو سبب طلبك الطلاق اهمال شوقي وانك مفتقدة الحب ومصرة على الطلاق أنا هاساعدك وهاقف جنبك وهاحاول اقنع أهلك وشوقي بالطلاق الودي بشرط أنك كمان تقطعي علاقتك بكامل وتنهي كل حاجة ما بينكم.
سامية باستنكار طيب وليه أسيب كامل بدل هاطلق.
نعم باقناع لأن ما بني على باطل باطل وعلاقة ابتدت بالطريقة دي لا يمكن ربنا يبارك فيها ده غير أن كامل نفسه عمره ما هيسمح لك تقربي من اولادك لأنه هيخاف تكلمي ابوهم وأنت مرات زي ما بتكلميه هو دلوقتي.
سامية بتردد بس كامل بيحبني.
نعم باقناع أسألي نفسك ممكن حد بيحب حد يعمل فيه كده ويرضى له وضع زي ده لو عايزة تتطلقي أنا مش ضدك يمكن لو كنا اتقابلنا من فترة كان رأيي يبقى زي رأي أهلك لكن أنا اتعلمت أن الطلاق مش بعبع وأنه احيانا بيكون الحل الأفضل واحيانا تانية بيكون الحل الوحيد باستنكار لكن برضه هو مش سهل ولا لعبة لوعايزة تتطلقي يبقى عشان أنت رافضة حياتك و مش قادرة تكملي مش لأي سبب تاني.
همت نعم بالخروج من باب مكتبه لتفاجأ به داخلا لتتراجع بحرج عدة خطوات مفسحة طريقا لعبوره ولكنها وجدته اكتفى بالوقوف امام الباب ساددا مدخله ببنيانه الرياضي الممشوق.
نعم بحرج

أنا أسفة يا باشمهندس أنا دخلت مكتب حضرتك كنت فاكرة حضرتك عارف وأنت اللي باعتهم من دار الضيافة لما سألوا علي بالاسم بس طلعوا جايين من نفسهم تقريبا نزيلة من الدار كلمتهم عني.
أحمد بابتسامة المكتب وصاحب المكتب تحت أمرك على فكرة أنا ممكن أسيبه عادي والله واستخدميه مكتب وأنا هاجهز لي مكان تاني.
نعم بدهشة الموضوع مش مستاهل شكرا.
أحمد بسعادة شكرا لوجودك أنت معنا.
نعم بارتباك وهي تشير له بالتحرك جانباعن أذنك.
أحمد برقة محاولا استبقاءها بأكبر قدر ممكن نعم كنت عايز مساعدتك في حاجة.
نعم باضطراب اعتادته بتواجده الطاغي اتفضل.
أحمد باهتمام عندي صديقة يهمني أمرها جدا ومحتاجة ترفع قضية خلع ومحامي الشركة رفض يمسك القضية لانه ماسكة شركة جوزها برضو ممكن تقابليها وتمسكي القضية.
صدمها طلبه بشدة هل من الممكن أن يكون أحمد كهذا الكامل تربطه علاقة بزوجة أخر ويحرضها على الأنفصال منه والادهى أنه يطلب مساعدتها بذلك وهي التي كانت تظن أنه.. ماهذا الذي تفكر به وبغض النظر عن أحساسها به أحمد لا يمكن أن يتصرف هكذا ولكن مهلا أي احساس به هذا الذي تفكر فيه وماذا تعرف عنه وعن وحياته حتى تعلم ما قد يقدم عليه أو ما يترفع عن فعله.
أحمد بقلق ساحبا لها من تخبطها نعم! دكتورة أكلم باكي تيجي تقابل حضرتك امتى.
نعم بحدة لم تستطع السيطرة عليها المهم يكون في سبب جوهري للطلاق مش دلع يعني.
أحمد بدهشة لا طبعا دي المفروض كانت انفصلت من زمان بس هي صبرت كتير.
نعم باندفاع يا حرام.
أحمد بحيرة حضرتك هتتكلمي معها وهتعرفي بنفسك وبالنسبة للاتعاب هي مش حالة انسانية وأنا متكفل بكل المصاريف والاتعاب اللي حضرتك تؤمري بها.
نعم بغيرة واضحة واضح فعلا أن يهمك أمرها جدا.
أحمد بشك غير مصدق لما يلمسه من غيرة بكلامها جدا مش متخيلة أنا مستعجل على طلاقها ازاي ياريت تتصرفي بأسرع وقت.
نعم پانكسارربنا يسعدك حدد أي وقت يناسبكم وبلغني عن أذنك.
أحمد بحنان وهو يكاد يطير فرحا ربنا يسعدها هي أنا مهتم لأنها من طرف حد عزيز علي ومستعجل على طلاقها لأني كانت شاهد على كل اللي شافته ومش عايزها ټتأذي أكتر من كده مش أكتر.
نعم بارتباك ما يفرقش حدد أي وقت يناسبكم وبلغني عن أذنك.
أحمد بابتسامة وهو يتنحى جانبا اتفضلي.
خرجت مهرولة فتتبعها بنظرة بحب وهو يدعو الله أن يكون ما شعره من غيرتها حقيقيا وأن تكن تشعر نحوه ولو بجزء مما يشعر به نحوها.
بشقة شهاب
شهاب بضيق وهو يتفحص هاتفه لا حول ولا قوة إلا بالله.
نغم بحيرة في أيه يا حبيبي.
شهاب بضيق في بوست مش كويس مالي الفيس عن واحد معرفة.
نغم بحيرة بوست أيه دهوعن مين.
شهاب باشمئزاز وهو يوجه هاتفه نحوها أقري