چريمة باسم الحب

ټندم.
صلاح بثقة بكرة تشوف أن كان معي حق بكرة الدنيا هتتظبط أنا مش هاجيب سيرة أني طلقت نعم دلوقتي عشان مروة تفضل في حالة تحفز دايما ده غير أني وقت ما أفهمها أني طلقتها عشانها لازم تدفع التمن بحزن ماهي اللي زي نعم دي فراقها مش بالساهل أنا مضطر أنزل دلوقتي عشاني ميعادي معها سلام يا حبيبي.
وليد بحزن سلام يا صلاح خلي بالك من نفسك.
انهى محادثته مع شقيقه واستعد للخروج محاولا أخفاء أثار بكاءه ليغادر غرفته بتثاقل وهو يلعن اضطراره لمقابلتها والتظاهر بالشوق واللهفة وهو بهذه الحالة من الضياع غادر بوابة الفندق متوجها لسيارته ولكنه وجد مكانها خالي فكاد يجن وهو يتشاجر مع أمن الفندق.
فرد الأمن يا دكتور أنا أخري البوابة أشوف مين داخل ومين خارج حضرتك ركنها قدام الفندق أيوه لكن أنا مش مسئول عن الشارع.
صلاح بانفعال يعني العربية تتسرق قدام عينيك وتقولي مش مسئوليتي.
رئيس الأمن متداخلا من فضلك يا دكتور تهدى هو فعلا مش مسئول حضرتك عارف أننا أوتيل صغير ومفيش باركنج وكل واحد بيركن عربيته زي ما هو عايز وعلى مسئوليته.
صلاح بانفعال يعني أيه العربية اتسرقت من قدام بابكم ومش من حقي افتح بوقي وتقولي راكنها على مسئوليتي.
رئيس الأمن بهدوء دكتور حضرتك راجل قانون وفاهم كلامي كويس ومساعدة مني لحضرتك ممكن نفرغ الكاميرات بتاعة المدخل ونشوف اللي سرقها ممكن يطلع مسجل وده يسرع بالقبض عليه قبل ما يتصرف في العربية.
صلاح بضيق أوك شكرا لك.
رئيس الأمن بتهذيباتفضل معايا.
قاده بهدوء لغرفة المراقبة وقام بعرض التسجيل الملتقط لواجهة الفندق والسيارة مصفوفة أمامه حتى صدم صلاح بمشاهدة شهاب يترجل من سيارة أجرة ليتجه پغضب للسيارة فاتحا أياها بمفتاحها منطلقا بها.
رئيس الأمن بسخرية وقد لاحظ معرفة صلاح بمن أخذ السيارة أيه ده يا دكتور ده الحرامي معه مفتاح العربية عامة وشه ظاهر جدا تحب نبلغ البوليس.
صلاح بضيق لا متشكر أنا هارجعها بمعرفتي عن أذنك.
ليخرج مسرعا يكاد ينفجر ڠضبا فرؤيته لشهاب وحدها وهو يستقل السيارة كفيلة بإثارة شياطينه ليس طمعا بالسيارة فهو حتما كان سيعيدها بنفسه ولكن ذلك التصرف يدل بأن شهاب قد أصبح طرفا بعلاقته بنعم وذلك يغضبه يغضبه بشدة.
الحلقة الثامنة
خرج مسرعا يكاد ينفجر ڠضبا فرؤيته لشهاب وحدها وهو يستقل السيارة كفيلة بإثارة شياطينه ليس طمعا بالسيارة فهو حتما كان سيعيدها بنفسه ولكن ذلك التصرف يدل بأن شهاب قد أصبح طرفا بعلاقته بنعم وذلك يغضبه يغضبه بشدة.
بشقة محمود
فتح محمود الباب ليجد شهاب يضع بيده مفتاحا ما وهو يسأله عن حال نعم الذي لا يدري عنه هو شيئ فهي لم تتفوه بحرف منذ عادت معه هو ونغم بينما نغم تشارك شقيقتها البكاء وردودها مقتضبة و غامضة.
شهاب باهتمام نعم عاملة أيه دلوقتي يا عمي.
محمود بانفعال زي ما سلمتهاني وجريت ممكن أعرف في أيه مراتك مش

عايزة تريحني وتقولي اللي حصل ونعم مڼهارة بالكامل وأنا اتصلت بدكتور ولسه ما جاش ممكن بقى أفهم بنتي مالها ومسافرتش لجوزها ليه.
شهاب بحزن صلاح طلق نعم.
خرجت نورا بتلك اللحظة من غرفة نعم ظنا منها بأن القادم هو الطبيب لتفاجأ بما قاله شهاب فتسرع بغلق باب غرفة نعم حتى لا تستيقظ نعم التي نامت لتوها بعدما أجهادها البكاء.
نور پصدمة أيه!
شهاب بحزن هو ده اللي حصل.
محمود بانفعال ليه هو مش طلب منها تروح له وهي سمعت كلامه واحنا ما اعترضناش مع أني كنت فاهم كويس أنه مفيش قضايا وأنه عايز يبعد عننا بس قلت مراته وحقه تكون معه يبقى يطلقها ليه.
شهاب بتوتر هو فعلا كان ده اللي بيخطط له بس مكنش مكتفي بنعم ولما أنا وقفت له فيها باعها زي ما توقعت.
محمود بحيرة مش فاهم.
قص عليهما شهاب زيارة نعم لشقته واعتراضه هو على أن يستفيد صلاح بأموال محمود طالما يرفضه هو شخصيا واقتناع نعم برأيه وذهابها خاوية لصلاح وما حدث بعد ذلك وختم كلامه بفعلته الأخيرة بشأن سيارة نعم ليفاجأ بمهاجمة نورا له وثورتها عليه.
نورا پغضب وأنت مالك أنت هي كانت فلوسك ولا فلوسنا ما نديهاله ولا نرميها في البحر أنت بتتصرف من دماغك ليه.
محمود مهدئا أهدي يا نورا مش كده.
شهاب بذهولآآآآآآآآآنا.
نورا بثورة عارمة أنت أيه أنت خربتها وقعدت على تلها مش كفاية أنك خربت عليها كمان رحت جيبت العربية وأكيد هو هيفتكر أنها هي اللي بعتتك وبقى صعب يتصافوا.
خرجا حسين و نغم من غرفة نعم مڤزوعان على صياح نورا لتغلق نغم الباب خلفهما خوفا من ايقاظ شقيقتها.
نغم بفزع في أيه تاني مالك يا ماما.
نورا بثورة في أن الډم بقى مايه أنك سمعتي كلام جوزك حتى لو هيضيع أختك.
حسين برجاء صحتك يا ماما أكيد في حاجة غلط شهاب..
قطعته نورا باندفاع طبعا ما أنت كمان مصلحتك معه عشان يحنن قلب مراتك وتلاقيك أنت كمان كنت عارف وبعت أختك زيها.
محمود باستنكار بس يا نورا أهدي أنت جرى لك أيه.
أندفع شهاب خارجا من الشقة دون أن يجيب نداء نغم له ليرتفع نحييبها وهي لا تصدق تصرفات والدتها بينما تعتلي الصدمة ملامح حسين ومحمود متسمرا يرى كل ما بناه ينهار أمام عينيه ليقطع لحظتهم تلك جرس الباب يعلن عن قدوم الطبيب هذه المرة.
......................
خرجت نورا من غرفة نعم بصحبة الطبيب تستمع لتعليماته
الطبيب ياريت نبعدها عن أي ضغط عصبي وتستمر على الدوا ده لمدة أسبوع وتتغذى كويس وأشوفها بعد أسبوع.
محمود بلهفة يعني هي كويسة يا دكتور.
الطبيب بابتسامةهي الحمد لله كويسة هي بس محتاجة هدوء وراحة زي ما فهمت المدام.
محمود بامتنان الحمد لله شكرا لتعبك يا دكتور.
الطبيب بابتسامة لا شكر على واجب عن أذنكم.
انصرف بهدوء ليترك وراءه صمت عاصف نغم تنظر لأمها لائمة ثم تندفع لغرفتها بينما حسين ينظر للأرض بحزن يتهرب من أن تتلاقى عينيه بأحدهما.
حسين بخفوت عن أذنكم.
وذهب بدوره لغرفته مختفيا بداخلها ووقف محمود بمواجهة نورا ينظر لها بعتاب بينما هي تتهرب من عينيه تجد نفسها غير قادرة على مواجهته فلا تجد حلا سوى أن تفر لغرفة نعمات المغلقة منذ ۏفاتها لتبتعد عن محمود لأول مرة منذ زواجهما.
بأحد المطاعم الراقية
مروة بسعادة يعني هي دلوقتي مصرة على الطلاق.
صلاح بحزن مش بالزبط هي مصرة أني ما اتجوزش عليها.
مروة باستنكار أيه الأنانية دي.
صلاح بحدة مروة.
مروة باستنكار أيه يا صلاح هو الحق بيزعل مش كفاية أنك استحملت خمس سنين بحالهم من غير أطفال كمان ليها عين تتشرط كده أنت عداك العيب ومن حقك تطلقها وتعيش حياتك.
صلاح بمرارة طلاقي أنا ونعم مش حاجة سهلة.
مروة بضيق ليه بقى
صلاح بحزن صعب صعب قوي استدرك بخبث أنا كده تقريبا هابدأ من الصفر.
مروة باستنكار ليه يعني دي تعتبر هي اللي طالبة الطلاق ده غير أن السبب منها والمفروض ملهاش أي حقوق.
صلاح بغموض قانونا ممكن لكن فعليا لا.
مروة بحيرة مش فاهمة!
صلاح بخبث وقت ما

جيت اتجوز نعم طبعا كان معايا ورثي من والدي هو ماكنش مبلغ كبير بس كان كفاية أني ألاقي شقة صغيرة وقتها والدها قالي أني اللي هادفعه في شقة صغيرة وبعيدة أوضب بيه شقتها أحسن وفعلا وضبنا الشقة وفرشنها على أعلى مستوى.
مروة باستنكار يعني أنت حطيت كل اللي حليتك في شقتها اللي في عمارة باباها أنت عمرك ما كنت ساذج كده بشك وبعدين ورث أيه مش هو كتب كل حاجة بإسم مراته.
صلاح بضيق أيوه ما هو ده مربط الفرس فاكرة لما عرفتي الموضوع ده وقتها ابدتيتي تبعدي عني صحيح احنا مكنش في حاجة رسمي بس علاقتنا كانت واضحة وأنا مضحكتيش عليكي أنا فعلا كان بيني وبين مرات ابويا مشاكل على الورث وما كنتش عارف أخد معها حق ولا باطل وفي نفس الوقت ظهرت نعم بنت متفوقة ونشيطة ومحترمة وعرفت أن والدها له معارف ليهم تأثير على مرات أبويا وهو ساعدني أرجع جزء كبير من حقي عن طريق معارفه دول وكان طبيعي أني اشتري اللي اشتراني ولما فكرت فيها اعتبرتي أنها رسمت علي أو أني لعبت بيكي وجيتي تقولي ليه دلوقتي بقى معك فلوس تتجوز لكن الحقيقة أن أنت اللي بيعتيني واتخليتي عني وعشان كده عايز نبقى على نور من الأول أنا كل فلوسي راحت على الجوازة دي حتى لما فكرت أشتري عربية عمي اقنعني أعمل بالفلوس عملية حقن مجهري ونكتفي بعربيتها اللي برضه بأسمها وكل مرتبي كان ضايع على البيت والعلاج يعني من الأخر رجعت زي الأول وزي ما أنت عارفة أنا قاعد في الفندق ولسه مش عارف هارجع لها ولا هاطلقها ولو طلقتها هاعيش فين وأزاي.
توترت مروة قد فاجأتها ظروفه المادية أثر فيها حديثه عن تخليها عنه بالماضي نعم هي تعرف أنها ابتعدت لتقييم الموقف وقتها واستجابة لإلحاح والدتها وقبل أن تحسم أمرها هالها سرعة نسيانه لها وارتباطه بنعم وها هي وحيدة على اعتاب الاربعين لذا قررت التمسك به هذه المرة فهو فرصة مناسبة لتكوين أسرة وانجاب الابناء وخاصة أنها لديها مكان مجاني لا تفكر بتركه وراتبهما معا مع دخل بعض الدروس سيأمن لهم دخل محترم لحياة كريمة.
مروة بدلال زمان مكنش حكمي بإيدي الكلمة كانت لماما وأخويا ولو علي عمري ما كنت بعدت عنك.
صلاح بابتسامة ودلوقتي
مروة بدلال دلوقتي معنديش استعداد أضيع دقيقة كمان بعيد عنك.
صلاح بشك حتى وأنا معنديش حاجة أقدمها لك وهنسكن ايجار جديد.
مروة بابتسامة كفاية أنك هتكون معي وبعدين ايجار جديد أيه وشقتي موجودة.
صلاح برفض مفتعل لا طبعا أنا كنت عايش في شقة نعم عشان كنت حاطط كل فلوسي فيها لكن شقتك دي بتاعة أهلك وممكن أخوكي يرجع في أي وقت.
مروة بابتسامة أخويا مين بس اللي هيرجع ياصلاح هو خلاص أخد الچنسية واستقر في حياته.
صلاح بتردد مفتعل مش عارف بجد مش أخد قرار في حاجة الأحسن اصبر وأحاول تاني مع نعم يمكن توافق أني اتجوز.
مروة بسرعة لا طبعا هي لو بتحبك كانت هي اللي طلبت منك تتجوز هي هتفضل تضيع عمرك سنة ورا سنة لحد ما تكبر وتبقى حياتك معها أمر واقع أنت المفروض ما تضيعش دقيقة واحدة.
صلاح بخبث يعني أنت موافقة نخرج من هنا على المأذون.
مروة پصدمة أيه! لا طبعا الناس هتقول علي أيه.
صلاح بحدة كنت عارف كنت متأكد أنك هتتخلي عني زي المرة اللي فاتت بالظبط زمان اتحججتي بوالدتك وأخوكي ودلوقتي الناس وكلامهم.
مروة بسرعة لا والله مش بتحجج بس كل حاجة ولها أصول.
صلاح بثورة عندك حق والأصول برضه أني ما بعش حد شاريني أنا هاخرج من هنا على