چريمة باسم الحب

وابنته وهما يتهامسان بسعادة وقد زال أي أثر لخلافهما دلوقتي المفروض أننا نسافر احتمال يعني.
انضمتا سوزي وماهي للطاولة لتنظر له الأخيرة بابتسامة مشجعة سعيدة بينما هو لا يعلم بما يفسر تلك الابتسامة.
ماهي بسعادة الحمد لله أنك محجزتش الرحلة يا حسين.
حسين ببهوت ودقات قلبه تعلو ليه يا حبيبتي
ماهي بسعادة مامي صممت أن الرحلة تكون هدية منها وكمان في تركيا مش هنا.
حسين ملتقطا انفاسه مفيش داعي حضرتك.
سوزي باحراج لا طبعا دي حاجة بسيطة ماهي بنتي وأنت زي شهاب.
ماهي بحماس هو أيه ده اللي ملوش داعي بس يا باشمهندس مضيعاش علي الرحلة.
حسين برفق طيب مقولتيش ليه أنك عايزة تروحي تركيا.
سوزي بتوتر قدها وقدود يا حسين بس أنا حابة أهديكم بالرحلة ولا أنت مش متقبلها مني.
حسين بأدب لا طبعا شكرا لحضرتك.
ماهي بحماس خلاص ناكل ونبص على عروض شركات السياحة.
سوزي بسعادة سيبك من العروض بيحاولوا يخفضوا الأسعار على حساب الخدمات احنا نعمل بروجرم على مزاجنا وهما ينفذوه.
ماهي بحرج بس كده هتبقى مكلفة جدا.
سوزي بسعادة متغلاش عليكم يا حبيبتي مش خسارة فيكم.
حسين بابتسامة شكرا لحضرتك.
صالح بمرح طيب ممكن نطلب الغدا بقى عشان هاموت من الجوع وعلى فكرة بعد الأكل هنروح معكم أنا اتصلت بالحج محمود وبلغته أني هاجي أسلم عليه وكمان نورا وسوزي يقعدوا مع بعض شوية. تبادل الجميع الابتسامات والنظرات المريحة وقد زال التوتر من الأجواء.
بشقة مروة
صلاح بضيق يا مروة مش هينفع كده أنا مصدقت الرجل وافق ينزل الخمسين ألف.
مروة باستنكار وأيه اللي يخلينا ندفع ربع مليون خلو لشقة ايجار واحنا بنفس المبلغ نقدر نشتري شقة تمليك.
صلاح بضيق أيوه تمليك بس هتكون في منطقة متوسطة أو شعبية انما الشقة دي في مصر الجديدة يعني هنبتدي كبار وزباينا هيبقوا نجوم المجتمع.
مروة بشك بصراحة مش مقتنعة بتأفف وبعدين أنا قدامي مش أقل من تلات أشهر لما تنفك كل الودايع ويبقى المبلغ كامل معايا وطبعا مش هاروح أفكها دلوقتي وأخسر الأرباح.
صلاح بضيق بس الشقة كده هتطير ده كان مصمم على تلتماية ألف وطلع عيني عقبال ماوافق ينزلي.
مروة باستهتار خيرها في غيرها بقى.
صلاح پقهر لا طبعا الشقة دي لقطة ولو ضاعت مني مش هلاقي زيها.
مروة بحيرة وفي ايدك أيه تعمله.
صلاح بتوتر خلاص هاخلي

وليد يبعت دلوقتي جزء من الفلوس أأجرالشقة وابتدي توضيب بالباقي وبعد ما أول وديعة تنفك نكمل توضيب وكل ما تنفك وديعة نعمل حاجة بتحذير مروة أنا كده هاحط معظم نصيبي في الشقة وتوضيبها أوعي تجددي الوديعة ساعتها أنا هابقى وقفت في النص لا معي أكمل ولا هاعرف أرجع اللي دفعته.
مروة مستسلمة بضيق أف خلاص بقى يا صلاح فهمت والله فهمت.
صلاح بحنان مفتعل رغم ضيقه وقلقه مالك بس يا قلبي من ساعة ما صحينا وأنت مش في المود.
مروة پقهر الشهر ده كمان أوت بافكر أغير الدكتورة أو نعيد التحاليل.
صلاح بحدة تاني يا مروة ما هو بالتوتر والزن اللي أنت فيه ده عمره ما هيحصل.
مروة بانفعال ده بدل ما تهتم وتدورعلى دكتور شاطر زي ما بتدور على المكاتب كده.
صلاح ملوحا بنفاذ صبر يووو دي بقيت عيشة تزهق أنا اللي صابر وساكت وأنت اللي منكدة علينا عيشيتنا أنا خارج مش طالبة معايا عياط النهاردة زي كل شهر.
تفتكروا مروة هتكتشف حقيقة صلاح امتى وممكن تعمل أيه وقتها.
ياترى أحمد هيوصل لقلب نعم فعلا وسوزي هتصر على موقفه ولا هترجع للحق.
الحلقة السابعة عشر
بشقة نغم
نعم بضيق طيب متخليكي النهاردة وبكرة ويوم الجمعة أخرجي من المطعم على بيتك.
نغم بصدق مش عايزة عمي صالح يضايق مني هو ما اعترضش لما فضلت هنا لغاية رجوع حسين وماهي مش عايزه يتخيل أني باعند أو باحاول اتحكم بشهاب وأبعده عنهم.
نعم بمشاكسة لا طبعا ده احنا مصدقنا ان نازك السلحدار رضيت عنك.
نغم بمرح ربنا يهديها طب تعرفي أنها طلعت طيبة قوي بس معرفش ليه ساعات بتبقي منفوخة وطالعة فيها.
نعم بسعادة برضه حسين مش مصدق بيقول أنها كانت بتتصل كل يوم تتطمن عليهم وأنها كانت مختارة لهم بروجرم وهم للرحلة.
نغم بسعادة شوفتي كانوا راجعين وكانهم عرسان بجد.
نعم بحزن ربنا يسعدهم حسين غلبان وانكسر الفترة اللي فاتت جامد قوي وربنا حب يريحه ويجبره عشان يقدر يكمل حياته.
نغم بتردد وأنت يا نعم مش ناوية تنسي و تكملي حياتك أنت كمان.
نعم پانكسار أن شاء الله عارفة أنا كنت لسه بافكر في ده من ساعة رجوع حسين وماهي.
نغم بحيرة مش فاهمة.
نعم بخجل والله انا عمري ما حقدت على حد ولا بصيت على حاجة في أيد غيري.
نغم بثقة طبعا يا حبيبتي ده أنت الطيبة كلها يا نعم بس طبيعي أننا نتمنى النعمة المهم ما نتمناش زوالها من غيرنا.
نعم پانكسار لا والله أن بدعيله من قلبي ربنا يسعده بس بسأل نفسي ليه حب صلاح مخلهوش يرجع لي تمسح ډمها فرت من أسر جفونها زي ما حب ماهي رجعها وأجبر سوزي تراضيه عشان ما تخسرش بنتها ليه سابني مع أن موقف حسين أسوء من موقفي بكتير.
نغم بتأثر يبقى ماحبكيش يا نعم.
نعم بثقة لا حبني الست مش ممكن ما تحسش بده بس هو حبه مكنش كفاية عشان يضحي عشاني حبه لنفسه كان أقوى بسخرية أنت عارفة أنه حاليا بيعمل مكتب استشارات قانونية مع مروة.
نغم پصدمة أنت متابعة أخباره.
نعم بصدق والله أبدا دول زمايلي اللي كل شوية حد منهم يتصل يطمن واحيانا يجيبوا سيرته.
نغم بقلق وده اللي مزعلك.
نعم بالعكس الغريب أنه ما بقاش فارق معي زي ما كنت متخيلة أنا زعلانة على نفسي هو ابتدى حياة جديدة بيحاول يحقق فيها كل أحلامه وأنا وقفت حياتي عليه سيبت شغلي وأهملت رسالتي ولولا الدار وقضايا بيت الضيافة كان زماني لسه ډافنة نفسي في أوضتي.
نغم بحماسهو ده بقى الكلام الصح يبقى نرجع نشوف مستقبلنا ونكمل حياتنا.
نعم بهدوء هو ده اللي بافكر فيه فعلا وخاصة وأن كلها أسبوع والدراسة ترجع وأنا بجد تعبتوكوا معايا عشان تقدروا تاخدوا لي كل الاجازات دي.
نغم بسعادة أنت تؤمر يا قمر المهم ترجعي نعم اللي الابتسامة مكنتش بتفارق وشها.
نعم بحب ربنا يخليكي لي وما يحرمنيش منك يا قلبي.
بعد عدة أيام بقاعةة الأساتذة بكلية الحقوق
نعم بهدوء السلام عليكم.
ارتفعت عدة أصوات بحماس وقام بعد الأشخاص بالاتفاف حولها لترتفع الأصوات المتداخلة مرحبة بعودتها أهلا يا أستاذة أزيك يا قمر كده تغيبي كل ده أزي صحتك دلوقتي يا أستاذة نعم أنت خسيتي قوي وشكلك لسه تعبان بجد الدنيا نورت.
حيت الجميع بابتسامة رقيقة وردت على ترحيبهم بجمل مجاملة وجلست بانتظار محاضراتها الأولى متصفحة أحد الكتب بعد مرور بضعة دقائق دلف صلاح بصحبة مروة وهما يتضاحكان ليصدما برؤيتها تجاوزت مروة صډمتها بسرعة لتأكلها نيران الغيرة وهي تنظر اليه وقد تشبثت عينيه بها تبثها شوقه وتلتهمها التهاما وكأنه يعوض الفترة التي حرم من رؤيتها.
مروة پحقد تحاول مداراته أزيك يا نعم حمد لله على السلامة.
نعم بهدوء ازيك يا دكتورة مروة الله يسلم حضرتك.
صلاح بصوت متهدج من الشوق والانفعال أزيك يا نعم.
نعم بهدوء الحمد لله بخير.
صلاح برقة دون أن ينتبه لتلك التي تكاد تصعقه بنظراتها يارب دايما الجامعة نورت.
مروة بحدة ومالك خاسة قوي كده ودبلانة أت تعبتي قوي كده.
نعم بابتسامة فعلا تعبت جدا أنا اساسا أخدت الاجازة باحاول انجز في الرسالة عشان كده اجهدت نفسي جامد.
مروة بسخرية بجد ما كنتش أعرف شدي

حيلك بقى وأهو تلاقي حاجة تشغلي نفسك بدل الفضا وكمان بعد ما تخديها ممكن تشتغلي عندنا أصل احنا هنفتح مكتب كبير يليق باسم دكتور صلاح وولادنا من بعده بإذن الله.
انتفض صلاح من هيامه فزعا كمن لدغه عقرب ينظر بأعين نعم مذعورا خائڤا من رد فعلها ليجد بأعينها نظرات محتقرة أډمت قلبه فنظر لمروة پقهر متجنبا النظر لنعم ساحبا يد مروة بغيظ متجها لطرف قصي بالغرفة.
صلاح هامسا پغضب أيه اللي هببتيه ده.
مروة بلامبالاة فيه أيه أنا عملت لها حاجة.
صلاح بحدة يا سلام وشغل الحريم ده و ولادنا اللي بقم محامين فجأة بسخرية مش لما تجبيهم الأول.
مروة پقهر هيجوا يا صلاح وهتشوف وأجل بقى موضوع البنك وفك الوديعة.
صلاح بضيق هو أيه ده أيه العلاقة.
مروة بغيظ أما أشوف بقى مش يمكن احتاج عملية واحتاج الفلوس.
صلاح بمهادنة بقى كده يا مروة بتمسكيني من أيدي اللي بتوجعني بعد ما أجرت الشقة وبقيت لا طايل سما ولا أرض.
مروة بلوم مش أنت بتتريق علي وبتقولي لما تجبيهم الأول يبقى بدل ما تجريني ورا حلمك أجري أنا ورا حلمي باصرار وتحدي وهاوصله.
صلاح بنعومة رغم احتراقه الداخلي كده يا حبيبتي لما أمنعك انك تقفي تعايريها عشان ربنا يكرمنا ويعوض علينا بسرعة أبقى برضه بتريق عليكي.
مروة معاتبة بدلال تقوم تجرني كده قدامها وتخلي منظري وحش.
صلاح بصوت مخټنق ودموع تجاهد للظهور وهو يراقب نظرات نعم المزدرية مش أحسن ما استنى لما حد يشوف الدكتورة وهي واقفة شمتانة وبتلقح بالكلام وتقلي من نفسك ويبقى منظرك وحش قدام الكل.
انسحب سريعا من أمامها متظاهرا بالألم من أسلوبها يخشى أن تفضحه عبراته أوأن يفقد تماسكه فيجثو تحت اقدام محبوبته يتوسل غفرانها.
بينما نعم تراقب هدوء ثورته وخضوعه الظاهر لمروة ومحاولة استرضاءها الواضحة برغم عدم سماعها للحوار الدائر بينهما لتتذكر معاملته لها ومحاولتها الدائمة لإرضائه لتتسائل هل هذا هو الرجل الذي عاشرته وهل عرفته يوما حقا.
دار الرعاية باليوم التالي
نعم بابتسامة السلام عليكم.
أحمد وهو ينتفض بلهفة وعليكم السلام مجتيش امبارح ليه يا نعم.
نعم بخجل من لهفته ورفعه للالقاب أسفة يا أستاذ أحمد بس امبارح كان أول يوم دراسة وأنا رجعت للكلية.
توتر أحمد وهي يتخيل لقاءها بصلاح وتأثيره عليها ولكن حضورها اليوم ومظرها الهادئ طمئن قلبه بعض الشئ وأن لم ينهي قلقه تماما.
أحمد بتوتر وعملتي أيه متلعثما يعني كان يوم مجهد ولا انبسطتي عشان قابلتي الطلبة بتوعك وزمايلك طبعا زمايلك كلهم انبسطوا برجعوك يا نعم صح.
نعم وقد زاد توترها وخجلها من أسلوبه ورفعه للالقاب مرة ثانية الحمد لله مشددة يا أستاذ أحمد الحمد لله كله تمام.
أحمد وقد انتبه لخطأه طيب الحمد لله يا دكتورة بحزن بس طبعا كده مش هينفع تيجي غير يوم الجمعة مع الأسرة.
نعم باضطراب من حزنه وبدون تفكير لا هاجي كل ما أقدر بحرج يعني هاشوف فادي ولو في حالات من بيت الضيافة.
أحمد نظرا لها بوله يبقى أنا هلف كل يوم على المحاكم الم في قضايا أحوال شخصية.
ابتسمت نعم بتوتر وهي تتعجب من طريقته تلك وعجبها الأكبر كان من نفسها ووقع