چريمة باسم الحب

بحبها بحبها أكتر ما أنا نفسي كنت متخيل قال أرجع زي الأول عايز يخرجني من الجنة بعد ما ادني الأمل الغبي.
الطفل بمناغاة آبي آبي.
أحمد ضاحكا وهو يضمه بحنان أهو حتى أنت كمان عرفت أنه غبي. دفعلامتك يا ماهي أحسن دلوقتي لو هتقدري نساعدك تطلعي شقتك.
ماهي بعصبية لا مش هينفع أطلع بيتك أنا ڠضبانة هنا عند بابا محمود لحد ما بابي يرجع لأن في مشكلة بيني وبين والدتي ولما يجيب لي حقي منك ابقى أرجع بيتي.
شهاب پصدمة حقك مني! وأنت اللي ڠضبانة.
ماهي بدلال لمحمود أنا اللي يبيعني مش هاتحايل عليه عشان يشتريني ها يا بابا هتسمح لي أقعد عندك لحد ما بابي يرجع ويجيب لي حقي.
نورا بسرعة حقك طبعا يا بنتي ومحمود عمره ما يرضى بالغلط.
محمود بارتباك ولكنه تفهم ايماءات نورا الخفية بمجاراتها البيت بيتك يا حبيبتي وأنا مكان المهندس صالح لحد ما يرجع بالسلامة وحقك في رقبتي.
حسين بدهشة حق أيه ومين اللي باع مين.
ماهي بجمود مليش كلام معك أنا اللي عندي قلته لماما نورا.
نورا بحزن حقك يا بنتي أنا مكنتش أعرف الكلام ده لكن كده عداكي العيب بس أنت سامحي وأكيد هو هيراضيكي.
حسين بعصبية هو أنا عملت لها أيه.
محمود وقد فطن لما تحاول نورا فعله أنت كمان هتزعق لها قدامنا.
حسين مبهوتا أنا مش بزعق يا بابا أنا بس مش فاهم حاجة.
ماهي بتأثر يوم عيد ميلاد لولو أنا اضطريت اقعد مع ماما لأن كان لازم حد يقعد معها خصوصا وبابي مسافر وشهاب رجع معكم ويومها اتصلت على حسين كتير بس تليفونه فضل مقفول.
نورا بتأكيد حصل وكلميتني تاني يوم تطمني علي وعليه وأنا قولت لك أنه نفسيته تعبانة وأن يومين ويعدوا.
ماهي بنحيب وصبرت بدل اليوم أسبوع واتفاجأت أن الباشمهندس جه يدور على اللي يخصه دور على ابنه وبس ومفكرش أنه حتى يسأل علي.
حسين بعصبية أنا سألت عليكي أنت والسيكيورتي منعوني أدخل وقالوا أني في أوامر بده.
ماهي بانفعال وعرفت تتصل ببابي وتقلب الدنيا عشان تشوف ابنك ومحاولتش تشوفني ولا تكلمني ولو مرة.
حسين باستنكار مامتك قالت أنك رفضتي أني أطلع لأنك كنتي لوحدك وكأني واحد غريب من الشارع.
ماهي بانفعال حقيقي عذر اقبح من ذنب يا باشمهندس ازاي تصدق أني ممكن اعمل حاجة زي دي وقتها أنا كنت نايمة و معرفتش الكلام ده غير النهاردة الصبح بالصدفة ورغم بيعك لي مسكتيش ورحت النادي اتخانقت مع ومامي وواجهتها ورجعت البيت بالحالة اللي أنت شوفتها.
تفتكروا هيقدروا هيقدروا يلبسوا حسين الغلط وأيه رأيكم في نورا حد فيكم بيعمل كده فعلا
الحلقة 1314
ماهي بانفعال حقيقي عذر اقبح من ذنب يا باشمهندس ازاي تصدق أني ممكن اعمل حاجة زي دي وقتها أنا كنت نايمة و معرفتش الكلام ده غير النهاردة الصبح بالصدفة ورغم بيعك لي مسكتيش ورحت النادي اتخانقت مع ومامي وواجهتها ورجعت البيت بالحالة اللي أنت شوفتها.
حسين بارتباك وأنا هاعرف منين بس أنها كذبت علي.
ماهي بعتاب ده على أساس أنك متجوزني امبارح مش بينا حب وعشرة.
حسين بارتباك بس أنت محاولتيش تتصلي بي نهائي.
نورا بسرعة ملاحظة ارتباك ماهي ما باقولك أني قولت لها تسيبك تعدي الصدمة وبعدين هي قالت لي أنها خاڤت تكلمك والدتها تسمعك كلمة تضايقك وكانت بتتصل بشهاب تتطمن عليك كل يوم لغاية ما اتفاجأت أنك بتسأل على ابنك بس زي ما والدتها فهمتها.
حسين لشهاب بلوم بس أنت عمرك ما قولت لي أنها بتسأل أنت قعدت تواسيني وتقولي أن مامتك مسيطرة عليها وبتتحكم فيها وأنها شوية وهتتخطى صډمتها وتغير موقفها.
شهاب بارتباك أيوه الكلام ده الصبح قبل ما هي تكلمني وتوضح موقفها وأنها اضطرت تستنى مع مامي بس موقفها بالنسبة لحياتكم ثابت وأنها لايمكن تستغنى عنك وأنا سبق وقولت لك أن المرة الوحيدة اللي ماهي وقفت فيها قدام ماما وقت ما أنت اتقدمت لها.
حسين بانفعال وأنت ما بلغتنيش بده ليه.
شهاب بارتباك يعني أنت ما سألتنيش عنها تاني عايزني أنا اللي أجي اكلمك دي برضو أختي وكرامتها تهمني ده غير أن كلنا بعد كده انشغلنا في الف حاجة واللي حصل لنعم وسفري.
حسين بضيق غبي كرامة أيه يا متخلف دي مراتي هو أنا طالب ايدها ومسألتش تاني.
نورا بحزم هو غلط ماشي ابقى حاسبه بعدين لكن دلوقتي أنت كمان غلطت في حق مراتك وواجب تراضيها.
ماهي بدلال لا يا ماما مفيش مراضية بينا غير بعد رجوع بابا وحاسبه معه.
محمود بابتسامة يا حبيبتي كلنا عارفين أنه غلطان وأن لكي حق تزعليبس زي ما كبرتيني وعتبرتيني زي والدك و ڠضبانة عندي وزي ما قلتك أنا مكان المهندس صالح يبقى ليه ننكد عليه وحقك في رقبتي أنا وهنراضيكي أكتر من لو كان الباشمهندس هنا.
ماهي مستسلمة بدلال اللي تشوفه يا بابا.
نورا بخبث هو خلاص عرف غلطه وعمره ما هيكرره أنت زعلانة أنه دور على ابنه وبس ومفكرش أنه حتى يسأل عليك يبقى المراضية أنه يسيب الولد هنا أسبوعين وياخدك أي مكان أنت عايزه يفسحك ويبسطك وينسيكي زعلك منه.
محمود بابتسامة أنا كمان شايف كده.
حسين باستنكار طبعا مش ينفع بابا أنت أكتر واحد عارف حجم المشاكل اللي عندي في الشغل والتعاقدات ومواعيد تسليم اللي خالفتها
ماهي بحزن شوفت يا بابا وحتى من غير زعل

طول الوقت مهتم بشغله وسايبني لوحدي مع أنه منعني اشتغل أو أخرج مع مامي وأنا وافقت.
محمود بلوم يعني قدامك قد أيه وتقدر تفضي نفسك.
حسين بضيق أنا بحاول الم الدنيا على قد ما باقدر بس معتقدش أني هاقدر قبل شهر ونص شهرين.
ماهي بدلال وأنا هافضل ڠضبانة في الأوضة دي لحد ما تنفذ حكم بابا.
محمود بحسم براحتك يا بنتي البيت بيتك وهو يطلع يقعد في شقته لغاية ما ينفذ وعده.
لمعت أعين شهاب وهو يفكر بأمر ما ليقترب من أذنها هامسا بحديث لم يسمعه غيرها.
شهاب هامسا متقعديش هنا اقعدي في أوضة نعم عشان نخرجها من اللي هي فيه ده غير أن في موضوع يخصها محتاج مساعدتك.
حسين بغيظ أنت بتقولها أيه تاني مش كفاية خربت الدنيا بغباءك.
شهاب بمشاكسة أنا غلطان أني باقولها أنك غلبان وحرام نسيبك لوحدك وأنها تشوف لها أوضة تانية.
ماهي بحسم خلاص بقى أنا هاقعد في أوضة نعم وأنت خليك في أوضتك بدلال بس مش النهاردة عشان تعبانة ومش عايزة اتحرك ابقى ارجع أوضتك بكرة.
حسين بحرج تحت نظرات شهاب المعاتبة لا خليكي مرتاحة أنا هقعد في أوضة تيتا نعم.
شهاب بسرعة ما قالت لك هتقعد مع نعم سيبها براحتها.
محمود ناظرا لشهاب بامتنان وقد فطن لما يرمي اليه خلاص يا حسين سيبها براحتها نام النهاردة في أوضة نعمات ومن بكرة أرجع أوضتك.
حسين بتردد حاضر بس ممكن مودي ينام في حضڼي النهاردة.
ماهي بدلال مفيش مشكلة أنا كمان تعبانة ومحتاجة أنام.
حسين بحب سلامتك.
نظرت له بعتاب فارسل لها نظرات شغوفة هو لم يستعوب ما يحدث وغير واعي تماما لأخطاءه وسبب ڠضبها ولكن موقف والداه يدعم موقفها وهو يثق بهما سيسترضيها ولو لم يعرف بما أخطأ فيكفي أنها هنا عادت إليه ولو بغرفة مجاورة يستطيع رؤيتها والإطمئنان عليها يسعد بعدم تخليها عنه حتى لو كانت أسأت الفهم أو التصرف فهو أيضا قد أخطأ بسرعة استسلامه مقارنا نفسه بما قصه عليه محمود ومحاولاته الحثيثة لاستمالة قلب محبوبته فلما انزوى هو هكذا واكتفى بحقه بولده رغم تأكده من حبها له قطع أفكاره رنين هاتفه ليرد عليه للحظات ثم ينهي المكالمة ناظرا لها بشوق.
حسين بحرج عن أذنكم هانزل المكتب نص ساعة بس وراجع.
محمود بابتسامة بعد تأكده من انصرافه أن كيدهن عظيم شككتوا الواد في نفسه.
نورا بصدق كله عشانه يا محمود عمره ما كان هيرتاح وينسى وهو حاسس أنها باعته حتى لو ڠصب عنها بعتاب لشهاب وبعدين هي برضو معذورة المفاجأة مكنتش بسيطة.
محمود بابتسامة يا ستي هو أنا قلت حاجة ما أنا فهمت ومشيت معاكي على الخط وبعدين الكذب في الحالات دي مش حرام.

ماهي بسرعة بس مش كله كڈب يا بابا هو كمان غلطان فعلا وما اتمسكش بي كفاية لكن صدمتي في ماما خلتني مسامحه.
نور بصدق مش مهم يا حبيبتي من غلط أكتر المهم كل واحد يعرف غلطه وما يكرروش.
شهاب معتذرا بحرج عندك حقك يا ماما آسف لو ما فهمتكيش في الأول.
نورا بتسامح ولا يهمك يا حبيبي المهم ربنا يصلح الحال وعقبال ربنا ما يجبر بخاطرك يا نعم يا بنتي.
ليتبادل محمود وشهاب نظرات غامضة بصمت.
بقاعة الأساتذة بالجامعة.
مروة هامسة بسعادة بصي أنا مش مصدقة بجد مش عارفة أفرح أنه طلع بيحبني قوي كده ولا أزعل على موضوع الخلفة ده.
سلمى بابتسامة الله يسهله يا عم طبعا حب الصبا والشباب.
مروة بابتسامة على قد ما رجعت من عند الدكتورة متنكدة ومش عارفة أعمل أيه على قد ما فرحت بحنيته وحبه لي.
سلمى باستنكار بصراحة أنا كنت مستغربة أنك قررتي تقولي له الحقيقة يعني توقعت أنك تقولي له أنك صرفتي نظر عن الكشف أو حتى أنك طلعتي سليمة أهو كنتي كسبتي وقت عقبال ما تبدأي العلاج.
مروة بضيق مكنش هينفع أكذب أنا هديت الدنيا عشان نحلل أزاي هارجع أقول له ماكشفتش ولو قلت له سليمة محرك رأسها وأكتافها بتعجب كنت هاخد الدوا ازاي ده غير انه كان ممكن يشك لو سكت فاجأة بعد ما قلبت الدنيا عشان نكشف بالسرعة دي و كان ممكن يوديني عند دكتورة تاني متخيلة موقفي وقتها.
سلمى بابتسامة المهم أنه طلع بيحبك والموضوع ده مفرقش معاه زي ما كنت متخيلة.
مروة بسعادة بالعكس يمكن كان حنين وظريف أكتر من أي وقت كان بيحاول يراضيني ويطيب خاطري.
سلمى برجاء طيب الحمد لله سيبك بقى من اللي في دماغك ده والحمد لله أنها عدت على خير.
مروة بحدة يا بنتي أنت جبانة كده ليه هو أنت هتروحي تقولي لها وش كده.
سلمى بتوتر يعني أنت ما شفتيش قلب علي المرة اللي فاتت أزاي.
مروة بخبث المرة اللي فاتت زعل لأن الزفت أخوها عرفه أنك كلمتيها بنفسك وبعدين هو كان عمل لك حاجة ما بعبع بكلمتين وخلاص.
سلمى بضيق أه كلمتين هددني فيهم أنه هيشتكيني لو أسأت تاني لحد من الزملة أو أدخلت في حياته.
مروة بخبث هو أنت هتعملي حاجة من ده أنت بس هترمي الكلمة قدام شيرين حبيبتها وهي هتوصل لها ولو عايز يشتكي يبقى يشتكي صاحبة الهانم اللي نقلت لها الكلام.
سلمى باستنكار وهيفرق معكي في أيه بس تعرف ولا متعرفش.
مروة پحقد نفسي تعرف قيمتي من قيمتها وأنها كانت مجردة