چريمة باسم الحب

خلاص ياما بس المهم تنجزي وأنا في حاجة في دماغيهاعملها لحد ما أصل الموضوع يظهر.
أمام الورشة
محمود بلهفة أديني طالعة لها أهو هاعمل نفسي رايحة أطمن على الحاجة زينب وقولت أسلم بالمرة.
محمود بتوتر ماشي بس أوعي

تسبيها قبل ما تعرفي الدنيا ماشية أزاي بالظبط.
نعمات بابتسامة ما تخافش وراك رجالة.
محمود بحب ربنا ما يحرمني منك.
تتبعها بنظره حتى دلفت لمنزل محبوبته فترك عمله واستقل دراجته البخارية لقضاء أمر ما.
بأحد أكبر محال تجارة المواد الغذائية.
يسير محمود دافعا أمامه سيارة التسوق يضع بها كل ما يقابله من مواد غذائية ويستزيد بكثرة من تلك التي يعلم بتفضيل نورا لها حتى أمتلأت العربة عن بكرة أبيها.
بغرفة القبو
عاد محمود محملا بالمواد الغذائية يستغل خلو الغرفة لتنفيذ ما يريد فهو لن يقلل من شأن محبوبته حتى أمام أمه ولولا احتياجه لمساعداتها ما صرح لها بشكوك حاول وضع نورا المالي أخرج الأغذية من الحقائب المزينة باسم محل الأغذية الشهير ليضعها بحقائب سوداء لا تدل على مصدرها يرتب العبوات والمغلفات داخل الحقائب بعناية وحب وهو يقبل كل منها قبل أن يضعها بالحقيبة لربما صادفت يد محبوبته موضع شفاهه.
بشقة فوقية
تفتح الباب لتفاجئ بمحمود المحمل بعدد ضخم من الحقائب الممتلئة.
محمود بجهد سلام عليكم أزيك يا حاجة.
فوقية بدهشة وعليكم السلام أيه ده كله يا محمود.
محمود بابتسامة طيب دخليني الأول يا حاجة.
فوقية بحرج ما تأخذنيش يا بني أتفضل.
محمود بابتسامة تسلمي ياحاجة.
فوقية بحيرة أيه الشنط دي كلها ياحودة.
محمود بابتسامة فضلة خيرك يا حاجة الراجل اللي قولت لك عليه امبارح طلع عايزني عشان كده.
فوقية بحيرة ليه يعني وليه باعت ده كله.
محمود بابتسامة أصل الراجل ده طلع كان ما بيعيش له عيال ومراته خلفت مرتين والعيل أسبوع وېموت ومن سنة مراته كانت حامل وشايل الهم ومش راضي يشتري لا سرير ولا لوازم المولود الأسطى الله يرحمه بشره أن العيل ده هيعيش وعمله سرير مخصوص عشان يبقى فال حلو وامبارح كان عيد ميلاد الواد وهو كان نادر أنه في أول عيد ميلاد للواد يدبح لوجه الله ويبعت للأسطى نصيبه مع أنه نقل محافظة تانية وزعل قوي لما عرف أن الأسطى اتوفى بس صمم يوفي بالندر.
فوقية متفحصة محتويات الحقائب بس دول أكتر من عشرة كيلو لحمة وبعدين دي بقالة كتيرة قوي وأيه ده كمان ده كذا طبق بسطرمة ده ولا اللي جايب قمع بحاله.
محمود بثقة لا معه أصله عنده سوبر ماركت كبير قوي فيالبلد اللي هو فيها وبعت البقالة هدية مع لحمة الندر.
فوقية بحرج بس دي حاجات كتير قوي مش عارفة أقولك أيه.
محمود باصرار متقوليش حاجة يا حاجة النبي قبل الهدية والندر ولابد يوفي وبعدين ده حقك والمرحوم كان خيره على الكل.
فوقية بحيرة يعني رأيك أقبلهم.
محمود بحسم طبعا وبعدين لو رجعنهم ممكن يتشائم ولا يبقى فال وحش على الواد.
فوقية بطيبة لا الف بعد الشړ عنه ربنا يحفظه له ويفرحه به.
محمود بسعادة ويحفظك يا حاجة ويحفظ حبايبك ويفرحك بهم.
تركها وغادر ليعود للعمل أمام ورشته ليفاجئ بفوقية تمر من أمامه لبيت شقيقتها محملة بالعديد من الحقائب ولكنها هذه المرة استعانت بزبيدة لكثرة ثقل حملها ليحزن قلبه بتيقنه من حدوث مشكلة ما لمحبوبته قبل عودة والدته بتفاصيلها ورغم حزنه كان بداخله فرح خفي وهو يتخيل أن تأكل حبيبته من كده وتسوقه.
بغرفة القبو.
محمود مدللا يعني يرضيكي يا نعومة أروح مشوار زي ده وأنت مش راضية عني ما هو يا البيعة تخسر معايا أو حتى ممكن يجرى لي حاجة في السكة.
نعمات پذعر بعد الشړ تف من بوقك فال الله ولا فالك.
محمود بابتسامة طيب بدل بتحبيني قوي كده مستخسرة في دعوة وكلمتين حلويين ليه.
نعمات معاتبة أنا برضه هاستخسر ادعيلك بس أنت عارف أني مش راضية على اللي أنت هتعمله.
محمود مستعطفا ليه بس يا قمر انا مش هلف ودور عليكي أنت عارفة من الأول أنا كنت ناوي اسيب الحارة واشتريت الورشة دي ليه ودلوقتي الحمد لله الحال اتغير وكمان ربنا رزقني بمشتري هيدفع لي اللي دفعته وهاكسب كمان أنت أيه اللي مزعلك دلوقتي.
نعمات بحنان مش زعلانة خاېفة عليك تتعلق بحبال دايبة.
محمود بابتسامة بصي وعلى بلاطة يا نعومة لأني مش بعرف اكدب عليكي أنا مش ملاك ياما

اه مقهور عليها وعلى كسرتها بس جوايا حاجة مفرحاني ساعات بلوم نفسي وأقول أني ندل بس ڠصب عني أنا مش فرحان شماتة فيها حاشا لله أنا بس فرحان أن الطريق خلي والدنيا بتقرب من بعضيها يعني الأول مكنتش استجري أفكر أنها ممكن تبقى نصيبي في يوم لكن دلوقتي يعني أكيد هي مبقتش تبص لفوق زي زمان خصوصا بعد الڤضيحة اللي عملتها لها أم سالم الله ېفضحها وبعد ما عمها الله يحرقه ما قلبهم في اللي وراهم واللي قدامهم زي ما جارانهم قالت لك يعني بالعقل كده أنا مكنتش قادر ابعد وأنا عارف أنها مستحيل تبصي لي تقومي أنت عايز تبعديني بعد ما بقى عندي أمل برجاء حتى لو باكدب على نفسي وباعلقها بحبال دايبة زي ما بتقولي سيبيني اتعشم وافرح ياما نفسي افرح ولو مرة حتى لو هافوق بقلم على وشي وۏجع قلبي زي كل مرة.
الجزء العاشر
يعني بالعقل كده أنا مكنتش قادر ابعد وأنا عارف أنها مستحيل تبصي لي تقومي أنت عايز تبعديني بعد ما بقى عندي أمل برجاء حتى لو باكدب على نفسي وبعلقها بحبال دايبة زي ما بتقولي سيبيني اتعشم وافرح ياما نفسي افرح ولو مرة حتى لو هافوق بقلم على وشي وۏجع قلبي زي كل مرة.
نعمات بتأثر معاش ولا كان اللي يوجع قلبك يا قلب أمك ربنا يفرح قلبك ويكتب لك الفرح والهنا.
محمود بسعادة يا رب ياما يا رب دعواتك أنت بس.
نعمات بحب داعية لك من كل قلبي وربنا العالم باستسلام خلاص اتكل على الله وربنا يكتب لك الخيرباعتراض بس بصراحة أنا مش فاهمة لازمته أيه المخزن ونور وإيجار ومصاريف على الفاضي ما الورشة برحة وشايلة الشغل وزيادة والأوضة اللي بتخلص بتنشال والأشية معدن.
محمود بحسم لا ياما ليها لازمة مش نوارة اللي تستنى لقمة من حد ولو حتى خالتها ولا هاستنى لما امها تشطب على دهبها ويحسوا بالحاجة والعوزا.
نعمات باستسلام ربنا يوسع رزقك ويجعله في ميزان حسناتك.
محمود باستنكار أيه ياما هو أنا بشحتها.
نعمات ضاحكة طيب ما تزعلش ياعم الحبيب تعيش وتجيب لها.
محمود بسعادة أيوه يا نعوم هي دي الدعوة ولا بلاش ربنا يخليكي لي.
نعمات بحب ويخليك لي ويفرح قلبك ويرزقك ما تتمنى.
مساءا بمنزل نورا.
يجلس محمود بأعين زائغة متطلعا من وقت لأخر لباب غرفتها يرهف السمع لعله يلتقط أي صوتا صادرا منها يدعو الله أن تخرج منها لأي سببا كان فقد أضناه الشوق لرؤيتها.
زينب بدهشة بس أنت هتعمل أيه بمحل جزارة يا بني
محمود بابتسامة يعني لو جينا نفتحه حاجة تانية غير الجزارة هايقول لا يا حاجة.
زينب موضحة لا بس يعني أنت مش محتاجه ورشتك كبيرة الله أكبر و اللي أعرفه بسم الله ماشاء الله.
محمود بابتسامة هو فعلا الحمد لله الحال ماشي كويس قوي وأنا اتوسعت في الشغل عن أيام الأسطى رضا الله يرحمه عشان كده محتاج مخزن وطبعا لازم تكون في المنطقة عشان مصاريف النقل والمشوار من هنا لهنا والحارة والحواري اللي جنبنا مفيهومش خرم ابرة فاضي عشان كده ما صدقت أني سمعت أنكم مش ناويين تشغلوا المحل تاني وقلت أنا أولى من الغريب وأكيد الحاجة أم نورا مش هتستخسره في.
زينب بالتأكيد لا طبعا ما يغلاش عليك هو أنا هلاقي أحسن منك.
سرح بخياله متصورا أن تكون تلك إجاباتها على طلبه ليد حبيبته لا لإستجار المحل فشعر بنشوة لمجرد الفكرة.
محمود بنشوة خلاص نقرا الفاتحة ونحدد ميعاد نكتب فيه العقد باكويين كل شهر كويس.
زينب بدهشة الفين جنيه!
محمود بجدية مستشوياهم أزودهم.
زينب بذهول لا طبعا دول كتير قوي ده أكبر محل في الحارة وفي برج كمان إيجاره آلف جنيه يبقى أزاي المحل الصغير ده في البيت المهكع ده إيجاره الفين!
محمود بتلعثم لا ماهو مش هيبقى مخزن بس أنا هاجي اشتغل فيه بعيد عن دوشة الورشة والصبيان والورش بالذات نظمها مختلف في الإيجار يعني عشان الخبط والدوشة وكده وكمان المحل متوضب وكله سيراميك وأنا هاستخدم مايه من الحنفية اللي في الحوش من ضمن

الإيجار.
تفحصته بنظراتها ثم زفرت باستسلام خلاص يا بني ربنا يملاه لك بركة شوف عايز تنقل امتى وأنا تحت أمرك.
محمود بارتياح وهو يخرج بعض النقود على بركة الله بعد يومين نص الشهر دول الف جنيه ايجارهم ومن بداية الشهر اللي يهل هيوصلك الالفين.
زينب وهي تنظر للنقود بتردد وكسرة على بركة الله.
يتحرك ببطء كارها للإنصراف ولكنه مضطر يلعن حظه الذي حرمه أن يلمح ولو حتى طيفها.
محمود ضيق طيب استأذن أنا يا حاجة ويومين كده أجيلك نمضي العقد.
زينب بهدوء تأنس وتنور يا بني.
محمود باستسلام سلام.
بمجرد خروجه فتح بابها الذي حرمته فتحه بوجوده لتخرج تلك المنشودة كشهاب مشتعل.
نورا بصياح أنت أزاي توافقي على أنا سمعته ده محل أيه اللي بالفين جنيه ده جاي يتصدق علينا.
زينب ببرود عارفة.
نورا پصدمة عارفة!
زينب پقهر من يوم ما جوز خالتك ماټ ومحمود بيراعي فوقية ويهاديها بحاجات بسيطة ومن يوم مۏتة أبوكي وهداياه كترت وبقي تقريبا متكفل بيها وفجأة بعد ما حالنا مال بقى يجيب لها الطاق اتنين وتلاتة وهي بتدينا من اللي بيجيبه وبتعدي من قدامه وهي شايلة ومحملة وهي جاية لنا ودلوقتي هو جاي يأجر المحل بشئ وشويات تفتكري أنا مفهمتش أنه جاي يساعدنا ليه فاكرني غبية.
نورا بذهول ووافقتي ليه.
زينب پقهر عشان معنديش حل تاني عمك ربنا ينتقم منه لهف كل حاجة والبيت ايجاره ملاليم والخمس تلاف اللي رجعهم محمود من العربون بعد ما الزفت سالم ما خد فلوسه وفلوس الدهب اللي بعته عشمانة نشغله ولا نحطه في بنك نأكل من ريعه طلع لنا فيه الف طمعان اللي قال أيه كان مدي الحاج تمن بقرة يدبحها قبل مايموت بايام وهو عمره ما داق اللحمة ابن الجعانة واللي بايع له كام خروف وخد نص تمنهم وفاضل النص وطبعا احنا لازم ندفع واحنا ساكتين لاننا مش ناقصيين فضايح ولا لينا ضهر نتسند عليه وفلوس الدهب باقي أقل من ربعها وبعد ما تخلص مش هنلاقي ناكل يبقى كده اكرم لنا حسنة مخفية أحسن ما نستنا نقاسم خالتك في اللي بيجبهو لها.
نورا بثورة حسنة من ابن نعمات.
زينب بثورة لا تقل حدة