چريمة باسم الحب

اللي تنقي كل مرة.
حسين بحنان عايزين نفرحها يا ماهي ما أنت عارفة هي مضغوطة قد أيه ولو حاجة بسيطة زي دي هتسعدها مفيش مشكلة.
ماهي باستنكار وهي ضاغطة نفسها ليه هو اللي مش بيخلف مش هي مش كفاية قاعد في شقتها راكب عربيتها وكمان عمي هو اللي بيتكفل عمليات الحقن المجهري رغم أن بنته سليمة.
حسين بصدق باب ما بيحسبهاش كده المهم عنده سعادتنا وبعدين نعم كانت بتحب صلاح في الخباثة من وهي تلميذته ولما طلبها للجواز بابا حس بحبها ده ومرضيش يكسر قلبها وساعده لما لاقى ظروفه وحشة ولما طلع عنده مشكلة في الخلفة بابا خيرها وهي صممت تكمل معه وهو بيتكفل بتمن العمليات يمكن ربنا يكرمها بطفل عشان ما تحسش في يوم أن ناقصها حاجة.
ماهي بحب جميل قوي أنكل محمود.
حسين بحب مش غريب عليه اللي يعمل كل ده لابن ابن عمه تفتكري يعمل أيه لولاده نفسهم.
ماهي بابتسامة ربنا يكرمه المهم مامي كانت شافت إعلانات افتتاح المطعم اللي روحناه النهاردة ولما عرفت أنه كويس فعلا عايزني أروح معها يوم.
حسين بتأكيد روحي معها طبعا أنا لم اعترضت زمان على مرواح النادي ده لأنها كانت عايزة ده يوميا ده غير أن اصحابها مش من النوع اللي أحب أنك تتعاملي معهم طول اليوم في النادي والناني هي اللي بتربي الولاد بفخر لكن أنا عايز محمود يتربى زي ما أنا اتربيت ماما نورا كانت مراعيانا وپتخاف علينا من الهوا مع أن كان يعتبر معها تؤام لان أنا ونغم بينا أيام.
ماهي بابتسامة متقلقش يا سينو أنا نفسي مكانش عجابني الحياة دي واستمعت أكتر لما قربت من ماما نور واهتميت بمحمود بنفسي.
حسين بحنان طبعا أنك تبقي جانب ابنك فعلا مسئولية كبيرة بس كمان متعة أكبر.
ماهي بصدق عندك حق

ربنا ما يحرمنا منه ناظرة لابنها بالمرآة شوف عامل زي الملاك أزاي.
حسين بحب ربنا يحفظه هو وأخواته.
ماهي بدهشة أخواته!
حسين بابتسامة ماهو أنت بقى تشدي حيلك بقى يا قمر وتيجيب لنا أخواته.
ماهي بتوتر أيوه أن شاء الله يكبر بس شوية ونشوف الموضوع ده.
حسين بابتسامة مصطعنة باذن الله يا حبيبتي.
انهى حواره محاولا عدم إظهار ضيقه فهو يعلم بأن انصياعها التام لأمها هو سبب أزمتهما فهي من تحرضها على عدم الانجاب ثانية حفاظا على قوامها وشبابها ولكن ما يصبره هو ثقته بحبها له ويقينه بأنها ستختار سعادتهما واستقرارهما بالنهاية.
أمام أحد العمارات الأنيقة بحي متوسط توقفت سيارة محمود ليجد أن شهاب مستندا على سياره المتوقفة جانبا.
محمود متهكما واقف كده ليه يا شهاب وفين نغم.
شهاب بخبث طلعت تجيب الشنطة عشان نروح وقلت أقف بلولو هنا عشان ما تشبطش فيها أصلها تعبانة قوي وكل يوم سهر ولولو ما بتنيمهاش حتى مش عارف هتستحمل ازاي عقبال ما نروح التجمع وقلت لها نبات هنا مارضيتش وقالت لا عشان ما نضيقهماش.
نورا بحنان لا طبعا هو أيه ده اللي تضايقنا هات أنت لولو واطلع لها بدل ما تنزل بالشنطة على الفاضي.
مدت يديها لحفيدتها التي تركت والدها والقت نفسها باحضان جدتها بسعادة فاحتضنتها نورا بحب وتركتهما واستقلت المصعد.
محمود متهكما بس مش لولو كانت بايتة عندنا امبارح تبقى نغم ما كنتش سهرانة ولا حاجة.
شهاب مشاكسا سيبك أنت بس من الحوار ده أنا هاكلم نغم أقولها ما تنزلش وقبل ما اطلع هاخد العربية وهاروح اجيب أجمد فتة ولوازمها من المطعم اللي أنت عرفتهوني وهاعمل حسابك في أكلة جامدة أنا عارف الهبل بتاع المطعم ده مايسدش معك.
محمود ضاحكا لا ده كده أنا اللي هاقعد بلولو.
افتكر اخدتم فكرة عامة عن حياة محمود وأسرته تتفتكروا الدنيا هتفضل كده ولا أيه اللي ممكن يحصل.
اللهم لا إله الا أنت سبحانك أني كنت من الظالمين
الحلقة الثانية
شهاب مشاكسا سيبك أنت بس من الحوار ده أنا هاكلم نغم أقولها ما تنزلش وقبل ما اطلع هاخد العربية وهاروح اجيب أجمد فتة ولوازمها من المطعم اللي أنت عرفتهوني وهاعمل حسابك في أكلة جامدة أنا عارف الهبل بتاع المطعم ده مايسدش معك.
محمود ضاحكا لا ده كده أنا اللي هاقعد بلولو.
شهاب ضاحكا و هو يحتضن محمود حبيبي يا عمي.
تصل سيارتي حسين وصلاح بهذه اللحظة ليرتسم الضيق على ملامح صلاح وهو يرى انسجامهما ومزاحهما رغم فارق السن بينهما.
حسين بابتسامة خير عملت انهى مصېبة مفرحك كده.
شهاب بحزن مصطنع شوفت ياعمي الباشمهندس بيقول علي أيه.
محمود مداعبا لا كله الا شيبو هامسا بأذنه اتوصى بالممبار ضاحكا ده حبيبي من أيام الجيزة.
شهاب ضاحكا وهو يتجه لسيارته ربنا يخليك لي يا عمي أنت اللي فهماني في البيت ده عن أذنكم ورايا مشوار مصيري.
محمود ضاحكا اتفضل يا حبيبي متعطلش نفسك وأنا هزبطه لك.
حسين ضاحكا مراقبا انطلاقه السريع لا كده الموضوع كبير هو الواد ده رايح فين.
محمود مشاكسا ملكش دعوة.
حسين لماهي ضاحكا شوفتي أخوكي سرق أبويا مني.
صلاح بابتسامة صفراء هو شهاب كده يحب يسرق الكاميرا.
محمود بهدوء طيب اضحك عشان الصورة تطلع حلوة.
نعم بهدوء امال ماما ونغم فين.
محمود بابتسامة نغم في شقتها عشان هيباتوا هنا النهاردة ونورا اخدت لولو وطلعت شقتنا وأنا ورايا حاجات هاشوفها بالمعرض واحصلهم.
نعم بابتسامة طيب عن أذنكم هاطلع لماما.
حسين معطيا طفله لوالدته طيب خدي أنت محمود يا ماهي واطلعي معها عشان في شغل عايز أتكلم فيه مع بابا.
صلاح بضيق طيب عن أذنكم.
محمود وحسين بتلقائية اتفضل.
بشقة محمود
نعم بحرج معلش يا ماما أنا عارفة أني تقلت عليكم بالموضوع ده.
نورا بعتاب ده على أساس أنك بتطلبي من حد غريب
نعم بحرج بس يعني عشان الموضوع يخص صلاح مش أنا وأنتم سبق واتكفلتم بعملتين الحقن اللي فاتوا..
نورا مقاطعة بحنان أي حاجة تخصك تبقى تخصنا وبدل قررتي تكملي معه فاحنا كلنا معاكي يا قلبي واحنا مش مطنشين الموضوع بتردد بس هو في حاجة كده مش المفروض أقولها.
نعم بتوتر في أيه يا ماما أنت مخبية عني حاجة.
نورا بتردد بصي هو مش المفروض أقولك عشان بس لو مفيش نصيب لكن هاقولك عشان تتأكدي أننا مش ناسينك شهاب جوز أختك ابن عمه عايش في أمريكا وبعت له نسخة من تقارير صلاح وطلب منه يعرضها على دكتور كبير قوي هناك ولو الدكتور شاف أنكم تعملوها هناك هتسافروا.
نعم بذهول امريكا! بس كده كتير قوي والموضوع هيبقى مكلف قوي على بابا.
نورا بحنان مفيش حاجة تكتر عليكي يا قلبي وبعدين متقلقيش اخواتك صمموا كل واحد يتحمل التلت وكانت دي هتبقى مفاجأة عيد ميلادك الشهر الجاي

وأديني حرقتها.
نعم بسعادة ربنا ما يحرمني منكم ويخليكم لي يا أجمل عيلة في الدنيا.
نورا ضاحكة أهم حاجة تستري علي وتتفاجئ في عيد ميلادك.
نعم ضاحكة عيب يا نوارتي ده هيجي لي ذهول ويغمي علي من الفرحة كمان.
نورا بلهفة ألف بعد الشړ عنك سلمتك من الأغماء يا قلبي.
نعم بلهفة بس يجي بسبب الحمل وأنا موافقة وراضية.
نورا بحب طول عمرك حامدة وراضية يا نعومتي ربنا يزيدك ويكتب لك الخير ويراضيكي به.
نعم برجاء يا رب يا ماما يارب.
بشقة حسين
حسين بابتسامة السلام عليكم.
ماهي بابتسامة وعليكم السلام أهلا يا حبيبي.
حسين بابتسامة مقبلا وجنتيها بحب أهلا يا قلبي مش قولتي أنك عايزة تقعدي مع ماما نورا.
ماهي بابتسامة بصراحة حسيت أن نعم عايزة تتكلم معها ومحرجة مني فطلعت.
حسين ضاحكا تقومي تسبيهم لوحدهم أراهنك أن ماما هتقول لها على المفاجأة وتوصيها ما تقولش.
ماهي بابتسامة أحسن خليها تفرح بدل ما تفضل قلقانة من هنا لعيد ميلادها.
حسين بابتسامة أنت طيبة قوي أنت فاكرة أن ماما ممكن تسيب حد فينا مضايق أكتر من يومين ده لو قدرت.
ماهي بحب عندك حق أنا ما شوفتش أم بحنيتها وحنانها وعمري ما حسيت أنها مرات عمك.
حسين بابتسامة ربنا يبارك لي فيها عمرها ما فرقت بيني وبين اخواتي.
ماهي بحب ربنا يحفظكم ويحفظك لي ولمحمود يا سينو.
حسين بابتسامة قلب سينو.
بشقة نعم يجلس صلاح أمام الحاسوب مجريا مهاتفة مرئية.
صلاح بضيق مش عارف يا وليد موضوع العقم ده بوظ لي كل حاجة.
وليد بدهشة يعني أنت مش مضايق من موضوع أنك مش هتكون أب قد ما أنت زعلان من الدنيا اللي باظت.
صلاح زافرا مش هاكدب عليك أنا في الأول زعلت بس لما الدنيا هديت سألت نفسي عايز عيال أعمل بيهم أيه مفتكرش أبدا أني هانفع أكون أب.
وليد باستنكار ليه بتقول كده
صلاح بحنق يعني هاجيبه منين ما أبوك كان بيعذبنا عشان العيلة الشمال اللي راح أتجوزها بعد أمك الله يرحمهابآسى فاكر لما كان مانعنا نيجي من المدرسة على البيت طول ما هو مش موجود عشان ست الحسن والجمال واللف اللي كنا بنلفه في الشوارع لغاية ما يرجع ولا الحبسة في أوضتنا طول ما احنا في الشقة والحمام اللي بالأذن والضړب بسبب ومن غير شغل البيت اللي بالسخرة وآخرتها كتب لها الورث كله واترمينا في الشارع .
وليد بحنق انسى بقى يا صلاح الوضع دلوقتي أختلف أمسك اللي في أيدك باسنانك أنت مش متخيل الغلب اللي أنا شاربه هنا.
صلاح پحقد كله من الزفت اللي اسمه شهاب من يوم ما شوفت نغم وأنا بتقدم لنعم وقلت الدنيا ضحكت لنا وكنت مستني لحد ما نتخطب ونبقى عيلة واحدة وأقربكم من بعض يقوم الزفت ده متقدم لها يوم خطوبتي لا ويتجوز بعدي بسنتين ومراته تخلف بعدها بتسع شهور وأنا عملت عمليتين ولا واحدة فيهم نفعت.
وليد بحيرة أنت مش لسه كنت بتقول أن موضوع العيال ده مش فارق معك.
صلاح بضيق هو فعلا مش فارق معي بس ممكن يضيع مني كل حاجة وأنا ما صدقت أرتاح أنا حفرت في الصخر ذاكرت ليل ونهار عشان أفضل الأول وأجيب امتياز كنت بحط الكتاب على الحوض وأنا باصبن المواعين لمرات أبوك.
وليد بضيق سيبك من كل اللي فات وسيبك كمان من موضوع العيال أهم حاجة نعم طول ما هي متمسكة بك أنت في أمان وهما مش بس محدش طلب منك تطلقها دول كمان بيتكفلوا بمصاريف علاجك عشان خاطرها.
صلاح بتهكم بجد أنا مش مصدق أن في ناس زي دول ده من ساعة الموضوع ده وهما بقوا الطف معي وكأنهم خايفين يجرحوني باستهزاء ونورا ومحمود دول تحسهم خارجين من فيلم أبيض وأسود فاكرين نفسهم شباب ولسه بيحبوا بعض ويدلعوا بعض بس باحترام وعقل مش بهطل زي أبوك والاتنين مفيش في حياتهم أهم من عيالهم عايشين عشان يسعدوهم وبس حتى الغريب اللي يدوب معرفش ابن ابن عم مين شالوه في عينيهم مش أبوك اللي ضړبني قدام البت اللي كنت هاخطبها جتنا نيلة في