چريمة باسم الحب

حديثه عليها.
بشقة مروة بعد مرورشهرين
مروة باستنكار لا ماهو مش سمك في مايه أنا سمعت كلامك والوديعة اللي بتنفك مش بجددها وهم كلهم اتفكوا ومرمين في البنك من غير ما يطلعوا مليم بس تقولي اسحبهم من غير ما ابقى دارسة المشروع كويس يبقى سوري.
صلاح بانفعال عايزة تتدرسي المشروع دلوقتي يا مروة بعد ما خلصت كل الفلوس اللي بعتها وليد على الشقة.
مروة بلامبالاة قلت لك من الأول مش مهم الشقة دي قعدت تقولي الشقة لقطة وهتطير وفرصة ومش هلاقي زيها.
صلاح پقهر طيب والحل.
مروة ببساطة ممكن تتصل بأخوك يزود لك الفلوس شوية بدل واثق في مشروعك قوي كده.
صلاح بحدة بقولك مش عارف يكمل الفلوس اللي اتفقنا عليها تقولي لي أقوله زود.
مروة بضيق خلاص يبقى تتنازل شوية عن أحلامك أديك جيبت الشقة اللي عايزها مش ضروري بقى الخطوط الصوتية الساخنة واعلانات التليفزيون

والجرايد وأسطول المحامين وأبدأ مكتب محاماة عادي.
صلاح ملوحا بيده بثورة دلوقتي بتقولي كده وأنا من قبل ما أشتري الشقة منبه عليكي أني هاحط نصيبي في الشقة وتوضيبها مقرعا لها وأنك لو رجعتي في كلامك هابقى وقفت في النص لا معي أكمل ولا هاعرف أرجع اللي دفعته ما كنت قولتي وكنت عملت مكتب عادي في أي حتة من الأول بدل ما تدبسيني كده.
مروة باستنكار مش بدبسك بس الشغل له أصول شركة يعني نبعد عن أنا جوزك وأنت مش واثقة في ونتعامل كناس بروفشنال.
صلاح باستسلام طلباتك يا دكتورة مروة.
مروة بعملية تقدم لي دراسة جدوى كاملة عن المشروع من مكتب دراسات محترم وتجيب كشف مفصل عن كل قرش اتصرف في الشقة وتشوف اخوك هيديك كام تاني وأول ما يبعت هادفع زيك بالظبط.
صلاح منحنيا بشكل مسرحي أي أوامر تانية.
مروة بامتعاض تبطل أسلوبك ده دي مش طريقة شغل وطبعا هنقعد سوا نحط بنود العقد اللي تضمن حقنا احنا الأتنين.
صلاح مستسلما اتفقنا يا دكتورة بمجرد ما دراسة الجدوى تتعمل وأعرف المبلغ اللي هاقدرادفعه هبلغ حضرتك عن أذنك.
مروة بفضول رايح فين
صلاح مستهزءا لا حضرتك الاجتماع خلص رايح فين بقى دي حاجة ما تخصكيش.
بالنادي العريق
ارتفعت ضحكات صالح وسوزي السعيدة أثناء تناولهما لوجبة الغداء.
سوزي بسعادة مش قادرة يا صالح بطل بقى الناس بتتفرج علينا.
صالح مشاكسا والله أنت ما في حاجة نافعة معاكي انشغل بالشغل تقولي لي ناسيني اتفرغ لك عاملة حساب الناس أنا...
قطع عبارته ذلك الصوت البغيض الملئ بالسخرية.
هيام بسخرية أخيرا ظهرتي أزيك يا هرابة أزي حضرتك يا باشمهندس كده برضه يا سوزي متحضريش فرح ميرا.
صالح بأدب أهلا مدام هايا.
سوزي بهدوء أزيك يا هايا ألف مبروك.
هيام بتهكم مبروك هنا في النادي بعد ما رفضتي دعوتي.
سوزي بامتعاض رفضت دعوة مكتوبة پالدم يا هايا.
هيام بحدة بتكرريها تاني يا سوزي احنا مالنا واحدة عاشت شمال وماټت كافرة هو حد كان قالها ټنتحر.
سوزي بتهكم متأكدة انها اڼتحرت وحتى لو اڼتحرت مش بعد ما ڤضحتوها وفيديوهاتها مع رامي بقيت مالية الفيس بوك واليوتيوب.
هيام باستفزاز في اي حد أنت أو غيرك شاف رامي في الفيديوهات صحيح التصوير كان في اوضتها بالفيلا بس رامي علطول مسافر وأكيد عشيقها كان بيجي لها في الوقت ده.
سوزي ببرود أيا كان المهم أني مكنتش هبقى مرتاحة وأنا موجودة في الفرح.
هيام بحقارة عندك حق كنتي هتواجهي الناس أزاي بعد ما بنتك وأبنك وصموكي بنسب ابن نعمات ونورا لانجيري.
سوزي بثقة لا متقلقيش من موضوع المواجهة ده سبق وماهي واجهت الكل ووقفت كل واحد عند حده بسخرية واما موضوع النسب فأكتر حاجة مفرحني فيه أننا طلعنا نسايب هي مش نورا لانجيري برضو تبقى بنت خالتك.
هيام بغيظ عن أذنكم.
سوزي بابتسامة اتفضلي يا قلبي.
صالح بانبهار أيه ده يا سوزي أول مرة أعرف أن ليكي في قصف الجبهة.
سوزي بضيق أيه الأسلوب ده أنت هتتكلم زي ابنك.
صالح ضاحكا أسف بس بجد فاجأتيني.
سوزي بضيق هاعمل أيه يعني ما هو من يوم عيد الميلاد وهي مسكالي ذلة وبتلمح لي كل شوية أنها محافظة على السرپشماتة وأول ما ماهي اديتها على دماغها لاقيتها جرت ناعم واحترمت نفسها فمش هترجع تعيش علي الدور تاني خصوصا بعد جواز بنتها من ابن سيادة المستشار.
صالح بصدق ابن سيادة المستشار ده كله على بعضه ما يساوش ضفر حسين جوز بنتك على فكرة.
سوزي بضيق مش هاكدب عليك أنا مضطرة اتعامل معهم لأني مقدرش على البديل وهو أني أخسر ولادي بس فعلا أنا مش قادرة اتقبل ظروف العيلة دي لا حسين ولا محمود ونورا بصدق بس برضو كأم مطمنة على ولادي معهم بس طبعا لو كانوا كمان اسم وعيلة كانوا هيبقوا برفكت.
صالح بحنان محدش بياخد كل حاجة يا قلبي ممكن يبقى غني بس بخيل أو كريم بس بيمد أيده عليها أو فيه كل الميزات بس بېخونها وتعيش محسودة من الناس على مميزاته

بس هي نفسها حزينة ومکسورة.
سوزي برقي أيا كان أنا اقتنعت برأيك أن من حقهم يختاروا حياتهم ربنا يسعدهم أنا عن نفسي مش هاضيق حد منهم ولا أحاول ادخل بحياتهم لكن ما تطلبش مني أكتر من كده.
صالح بتفهم حقك يا سوزي أن أمرت أن تطاع فأمر بما يستطاع وكفاية قوي أنك تعمليهم بذوق اما القلوب بقى فبيد الله يصرفها كما يشاء.
سوزي بابتسامة ونعم بالله.
صالح مشاكسا كنا بنقول أيه بقى قبل ما تدخل علينا مدام شجرة الدر.
يوم الجمعة بدار الرعاية
نورا بحب بجد مش قادرة أسيبهم وامشي اللهم بارك قمرات.
شهاب بمرح قمرات وعسلات وكل حاجة بس أنا خلاص هاموت من الجوع.
محمود بابتسامة يلا يا نورا أنا كمان عايز أكل بصراحة يوم الجمعة بقى ختامه مسك بعد ما شيبو اتولى مسألة الغدا.
نورا بحب بصراحة مطعم الأسبوع اللي فات كان تحفة هتودينا فين النهاردة.
شهاب بمرحلا النهاردة حاجة تانية خالص.
محمود بمشاكسة أوعى يكون محل منشي نظام عينات وشوكة وسکينة.
شهاب بمرح عيب يا كبير ده محل متخصص طواجن بس.
محمود بابتسامة حبيبي أنت شيبو والله.
أحمد بابتسامة حرام يا جماعة فتحتوا نفسي وأنا مداقتش لقمة من الصبح.
محمود بابتسامة خلاص يبقى لازم تيجي تتغدا معنا.
أحمد بحرج شكرا يا عمي بس يعني ده غدا عائلي.
نورا بحنان وأنت غريب يابني.
محمود باصرار خلاص بقى ما تعملش فرق.
أحمد بابتسامة وهو يكتم ضحكاته من نظرات شهاب الخبيثة المتوعدة لا طبعا مفيش فرق ولا حاجة خلاص بس الجمعة الجاية أن شاء الله أنا عازمكم على الغدا بايماءات مشاكسة خفية عشان نشوف مين ذوقه أعلى بالمطعم أنا ولا شيبو.
نعم قادمة بابتسامة وهي تعدل حجابها أخيرا نام كل ما اتحرك من جنبه يحس ويقوم ماسكني من الطرحة.
محمود بحماس طيب ممكن نمشي بقى عصافير بطني بتصوصو يلا يا أحمد يا بني.
أحمد باعتذار متجها لمكتبه جاهز يا عمي بس ثواني هدي الدكتورة نعم حاجة من المكتب وهاحصلك حالا.
نعم بدهشة لصحبة أحمد لهم هو أستاذ أحمد هيتغدى معنا.
شهاب بابتسامة خبيثة بابا محمود عزمه معنا طيب يالا يا جماعة كل واحد على عربيته اتاخرنا قوي.
نعم بارتباك طيب وأنا.
شهاب بخبث ما أنت معكي عربيتك يا نعم احنا هنسبق أكيد أحمد هيجيب ورق قضايا شوفوا شغلكم نكون احنا طلبنا عقبال ما تحصلونا أنا هبعت لكل واحد فيكم اللوكيشن.
محمود بابتسامة طيب مظبوط كده ممكن نمشي بقى يلا يا جماعة مت من الجوع.
انصرف الجميع بسرعة وتركوها وحدها لا تعرف لما تضطرب من انفرادهما حتى انها باتت تتجنب تلك اللحظات بقدر الإمكان فنظراته تحاصرها باهتمام دون أن ټجرح خصوصيتها كلماته تقطر اهتمام وتداعب قلب الأنثى المتعطش دائما دون غزل أو مجاملة.
أحمد بحماس وهو يمد يده بمغلف صغير اتفضلي يا نعم.
نعم وهي تفضه بهدوء ظنا أنه ملف قضية ما لتتحول للصدمة بعد معرفة محتواه أيه ده أنت عرفت منين و جيبته أزاي!
أحمد بسعادة سمعتك وأنت بتتكلمي مع شهاب المرة اللي فاتت وبتوصيه يحاول يلاقيه لك عشان محتاجه ضروري في رسالتك.
نعم بدهشة بس ده مرجع مهم ونادر جدا.
أحمد ببساطة وصيت كل معرفي في امريكا وأوربا يدوروا لي عليه.
نعم بحرج حضرتك تعبت نفسك بس أنا مش هاقدر أخده.
أحمد ببساطة متاخديهوش استعاريه اطلعي على اللي محتاجه لرسالتك وبعدين رجعيه كأني مكتبة.
نعم بدهشة بس أنت هتعمل بيه أيه ده كتاب قانوني بحت ده غيره أنه غالي جدا.
أحمد بابتسامة مشاكسة اصلي بحب القانون وأهل القانون مش القانون بيرجع الحق لصاحبه وأنا بحب حقي وهاخده بإذن الله.
نعم بارتباك وهي تشك بما وراء كلماته واضعة الكتابة على الطاولة احنا أتأخرنا على الجماعة.
أحمد بابتسامة وهو يتناوله اتفضلي.
سبقته ببضعة خطوات لتختلط صوت شهقتها بصوت رسائل هاتفه لينظر حيث تنظر بلهفة ليجد اطار سيارتها فارغ لتأتيه بنفس اللحظة رسالة أخرى ليفتح الرسالتين ليجد احداهم اشارة لموقع المطعم والأخرى فحواها أي خدمة عد الجمايل وسوق على مهلك حاول أن يكتم فرحته

وهو ينظر لها ببراءة.
أحمد بدهشة أيه ده كاوتشك نام.
نعم بضيق مش عارفة أعمل ايه والجماعة زمانهم وصلوا.
أحمد ببساطة مفيش مشكلة أركبي عربيتي ما أنا كمان معزوم معكم.
نعم بسرعة لا طبعا مينفعش.
أحمد بابتسامة أولا السواق معنا مخرجا هاتفه طالبا مهاتفة وكمان هستأذن عمي.
كانت تستمع لمهاتفته مع والدها بقلق وهي تستشعر موافقة والدها وسعادته هو الجمة بذلك.
أحمد بمرح اتفضلي يا دكتورة شهاب هياكل الأكل وأنا واقع.
نعم مبتسمة باضطرب شكرا.
فتح لها الباب الخلفي بأدب وأغلقه وراءها ببطء وهو يبتسم لها بسعادة ظاهرة اربكتها.
أحمد بمشاكسة العربية نورت.
ركب بسرعة بجوار السائق وهو يأمره بالانطلاق لتفاجأ به يلتفت لها معطيا لها المجلد متجاهلا لرفضها السابق.
أحمد بمشاكسة برجاء المحافظة على الكتاب و الالتزام باعادة الكتب بالوقت المحدد.
نعم باعتراض لا مش...
أحمد بمشاكسة وهو يضع سبابته امام فمه هششش برجاء التزام الهدوء بالمكتبة.
نعم مبتسمة بحرج شكرا.
نظر لها بحنان معاودا الالتفات للأمام ليواصل النظر اليها عبر المرأة لتتطلع هي من النافذة محاولة التهرب من نظرة تستشعر حصارها وأن لم تراها.
الحلقة الثامنة عشر
بشقة مروة بعد عدة أيام
جلس أمام حاسوبه الشخصي يجري محادثة مع أخيه.
وليد بحيرة أنا مش فاهمك أول مرة تطلب في الميعاد ده خصوصا مع فرق التوقيت وقلت عايزني وعمال ترغي ومقلتيش حاجة مفيدة.
صلاح بغموض معلش يا ليدو استحملني وأسهر عشاني يوم محتاج أكلمك دلوقتي.
وليد بابتسامة ماشي يا أبو صلاح ما أنا عارف أنك لا يمكن تقول غير اللي عايز تقوله سهرني ولا يهمك المهم أني حاسس أن مزاجك رايق.
صلاح بسعادة طول عمرك فاهمني أخوك خلاص واقف على باب حلمه وخطوة واحدة ويحققه.
وليد بدهشة عرفت تكمل الفلوس.
صلاح بغموض مش محتاج أكملها هادفع اللي معايا والباقي