چريمة باسم الحب

الأوتيل أخد شنطتي وأرجع بيتي وهاحول اتفهم مع نعم واشوف ناوية على أيه نشوف بقى بنت غلبانة اتجوزها في السر ونديها قرشين ولا نتبنى طفل أو حتى أرضى بنصيبي وكفاية قوي أنها بايعة الدنيا وشرياني عن أذنك.
مروة برجاء استنى بس يا صلاح نتكلم ونتفاهم.
صلاح بضغط لا معلش وقت الكلام خلص خلاص اللي عايز بيعمل ونعم عملت عشاني كتير.
مروة باندفاع

خوفا من ضياع صلاح منها ثانية خلاص أنا موافقة.
صلاح بتشكك بجد يا مروة.
مروة بتوتر أيوه موافقة مع أني عارفة أيه اللي ممكن يتقال علي بعد جوازة بالسرعة والطريقة دي بس عشان تعرف أن ممكن أعمل أيه وأضحي به عشانك.
صلاح بنعومة وتفتكري أنت ممكن تشتريني كده وأنا أسيب حد يتكلم عليكي نص كلمة احنا نكتب كتبنا بس عشان محتاج محسش أني لوحدي وهنفضل كل واحد في مكانه ونعرف الناس أننا اتخطبنا شهر ولا شهرين لحد ما انهي مشاكلي ونظبط ظروفنا وبعدين نتجوز قدام الناس كلها بالطريقة اللي تليق بيكي.
مروة بحذر ونعم.
صلاح بلسان اثقله الحزن نعم طالق يا مروة.
امتدت يدها تضغط على يده بمؤزارة وهي تبتسم بسعادة تجاهد لإخفاءها بينما هو يبتسم لها بمرارة لم يستطع إخفاءها.
بأحد النوادي الراقية
تجلس ماهي بصحبة والدتها وأصدقاءها يظهر على ملامحها الامتعاض وعدم الارتياح.
إحدى السيدات بتعالي مش ممكن بنت وقحة ولا تطاق أنا من الأول كنت عارفة أنها مش من مستوانا لكن هو اللي أصر وقتها ودلوقتي بيعاني.
سيدة اثنين بسخرية تخيلي يا سوزي دي بتغير من تاليا بنتي عشان متعودين على بعض.
السيدة الأولى بتهكم وهي بتغير من تاليا بس دي انسانة مريضة معندهاش ثقة في نفسها وكل شوية بيخوني بيخوني ماهي لو كانت عارفة تملا حياته مكنش دور عند غيرها على اللي نقصه.
السيدة الثانية بضيق مش كفاية أنه في الأخر بيرجع لها تحمد ربنا أن كلها نزوات مرحش اتجوز عليها ولا حاجة.
ماهي بضيق عن أذنكم هاروح أشوف مودي.
سوزي بحدة في أيه يا ماهي اصريتي تجبيه معنا وقلت مش مشكلة لكن دي تالت مرة تروحي ده في الكيدز كورنر مع الناني هو مش في الشارع.
ماهي بحرج أنا بس هطمن عليه أحسن يكون بيعيط.
سيدة ثالثة بسخرية يعني هي الناني مش تعرف تسكته.
السيدة الأولى بتطفل هو أنت لسه على خلاف مع باباه هو أنت اللي سايبة البيت ولا هو اللي مشاكي أكيد هو بما أنك رافضة تقولي السبب.
سوزي بحنق لا طبعا هي اللي سيباه ومصممة على الإنفصال وأنا قولت لك أنه مكنش مناسب من الأول وهي فاقت وهتصلح غلطها احنا بس مستنين صالح يرجع من المانيا عشان عنده مشكلة هناك.
السيدة الأولى پشماتة مش ده اللي رفضتي مازن ابني أنا عشانه.
سوزي بعتاب مفيش داعي للكلام ده.
ماهي بحزن وانكسار عن أذنكم.
شقة محمود
بغرفة نعم
تكومت على فراشها بوضع الجنين وقد شحب وجها وتورمت عيناها من كثرة البكاء والسهر فمنذ ذلك اليوم المشئوم لم تتفوه سوى بكلمات معدودة منذ عودتها بعد تطليقه لها تتناول بعض اللقيمات تحت ضغط أمها أو نغم بينما لا يتوقف عقلها عن استرجاع كل ذكرياتهما معا لا تصدق بأنه قد يتخلى عنها بهذه السهولة بعد ما عاشاه معا تتنظر اتصاله بكل لحظة ليعتذر ويخبرها بتهوره ويطلب منها الصفح والغفران.
................
بغرفة حسين
يجلس متكئا على الاريكة يحتضن ملابس طفله المشبعة برائحته بينما يتفحص صور زفافه على محبوبته ېقتله الشوق لرؤيتهما ولا يجرؤ على التواصل معها والمواجهة لو كان أغضبها لذهب واسترضاها ولو أسأ عشرتها لقبل رأسها ووعدها بحسن المعاملة ولكن ما حدث وفرق بينهما لا ذنب له فيه ولا قدرة لديه على تغييره يتألم لبعدها كما يتألم من موقفها يعلم أن ما اكتشفته ليس بالهين ولكنه أيضا لا ذنب له فيه أفلا يشفع له ذلك لديها ألا يشفع له حبه الكبير لها ولأبنه وتفانيه من أجل أسعادهما أتحاسبه على ما لم يفعل وتنكر عليه ما فعل يعلم بضعف شخصيتها أمام رغبات أمها وحاول كثيرا مساعدتها على التغلب على تلك النقطة وكاد أن ينجح أو ظن ذلك ليكتشف فشله الذريع في أول مواجهة حقيقية.
.................
بغرفة نغم
تستلقي على سريرها تضع على قدميها حاسوبها الشخصي تجري من خلاله مهاتفة مرئية مع زوجها الحبيب ودموعها تنهمر على وجنتيها بحزن.
شهاب بحنان بټعيطي ليه بس يا قلبي قلت لك والله مش زعلان.
نغم پبكاء اه عشان كده سبتني وسافرت من غير ما تقولي وكمان بتكلمني كل فين وفين.
شهاب بعتاب أنا عمري

ما اسيبك يا عمري حبيبتي والله أنا ما زعلت من ماما نورا أنا مقدر الضغط اللي هي فيه بس وجودي قدامها والمجادلة وقتها كان هيزود المشكلة مش هينهيها عشان كده فضلت أني امشي.
نغم بعتاب تمشي مش تسافر وكمان بتكلمني مرة واحدة في اليوم.
شهاب بحب أنا فعلا كان لازم أسافر من فترة عشان أتابع الموقع هنا بس كنت مأجل السفرية دي عشان عيد ميلاد لولو وبعد اللي حصل في عيد الميلاد اضطريت أجل تاني لغاية ما المشكلة تنتهي.
نغم پبكاء وهي كانت انتهت يا شهاب.
شهاب بحب لا منتهتش يا نغم بس بعد اللي حصل بيني وبين ماما نورا مكنش ينفع اقعد في شقتك ومرضيتش أرجع شقتنا ماما تحس أن في خلاف مابينا وكنت عارف أني لو نزلت في فندق هتيجي معايا ومكنش طبعا ينفع تسيبيهم في الظروف دي فقولت فرصة أخلص شغلي وفي الوقت نفسه ماما تعرف أنها غلطت وأن مفيش حاجة عندك أهم منهم عشان كده مكنتش باتصال كتير عشان ما اشغلكيش عنهم.
نغم بحب وامتنان ياااا بجد يا بختي بيك ربنا ما يحرمني منك بحزن بس للأسف تعبك راح على الفاضي.
شهاب بقلق ليه بس يا حبيبتي.
نغم بحزن البيت اتغير خالص يا شهاب اتفرقنا واحنا مع بعض كل واحد حابس نفسه في أوضته وحسين تقريبا ما بيتكلمش مع أي حد حتى ماما سابت أوضتها وقعدت لوحدها في أوضة تيتا الله يرحمها حتى نعم كل واحد فينا بيحاول يروح لها لوحده وبنحاول أنها ما تحسش بالتوتر اللي في البيت.
شهاب برفق فترة وهتعدي يا حبيبتي ماما نورا مفيش احن منها واللي بينها وبين حسين أكبر من أي كلام في ساعة ڠضب ونعم بكرة تعدي الأزمة وتشوفه على حقيقته.
نغم برجاء يا ريت يا شهاب أنا بجد مش قادرة استحمل اللي بيحصل ده خصوصا وانت بعيد عني.
شهاب بحب أنا جنبك يا حبيبتي وأول ما تحتاجيني هتلاقيني جنبك امال فين لولو.
نعم وهي توجه كاميرا الحاسوب باتجاه طفلتها النائمة نايمة جنبي أهي.
شهاب مشاكسا محاولا أخراجها من احزانها ياسلام وهي من امتى بتنام دلوقتي ولا عشان أنا مش موجود مش قلت لك قبل كده البنت دي مستقاصدني.
نغم بحب وقد فطنت لمحاولته لإضحاكها ربنا ما يحرمنا منك يا حبيبي.
شهاب بحب ولا يحرمني منكم يا نور عيني.
......................
بغرفة نعمات
تجلس نورا بحزن تلوم نفسها على ما وصلت له أسرتها فهي تحمل نفسها مسئولية كل ما حدث بداية من فكرة الهروب من الماضي الذي كان فكرتها من الأساس وانتهاءا بالڤضيحة المدوية التي احدثتها هيام لكرهها لها لتكن المسئولة عن دمار حياة بكريتها الذي رفض زوجها أما ملوثة كما أوضحت لهجته المتهكمة التي تراجع عنها خوفا من صرامة زوجها ولعلها اكتفت بذلك بل اضافت لرصيد أخطاءها خطأ أخر أن لم يكن چريمة فقد أفسدت حياة صغيرتها مع زوجها الحنون المتفاني لا تعلم لم حدثته بتلك الطريقة وكيف تصب عليه جم ڠضبها رغم تفهمه لوضعهم الشائن وبل ازداد تماديها حتى أسأت لذلك المسكين الذي يعد أكثر المتضررين لما هم فيه حيث خسر هويته وزوجته وابنه وحياته بالكامل ولكنها لم ترحمه هي وتتهمه باطلا وهي تعلم أنه أبعد ما يكون عن أتهامها له فلطالما اهتم بابنتيها ولو على حسابه نفسه.
ياترى رأيكم أيه في تصرف نورا وممكن تكون معذورة فعلا ولا رجعت لجنان زمان
الحلقة التاسعة والعاشرة
ازداد تماديها حتى أسأت لذلك المسكين الذي يعد أكثر المتضررين لما هم فيه حيث خسر هويته وزوجته وابنه وحياته بالكامل ولكنها لم ترحمه هي وتتهمه باطلا وهي تعلم أنه أبعد ما يكون عن أتهامها له فلطالما اهتم بابنتيها ولو على حسابه نفسه.
رغم شرودها انتبهت لفتح باب الحجرة فقد تسلل من خلاله بعض الضوء بدد الظلام الدامس الذي أختارته رفيقا منذ احتلت غرفة الراحلة الغالية نعمات انزعجت هي من هذه الإضاءة المفاجأة فرفعت يدها تحجب الضوء عنها.
محمود بحزن نزلي أيدك يا نورا زمان عينك خدت على النور بكفياكي ضلمة بقى.
نورا بضيق من فضلك يا محمود سيبني دلوقتي.
محمود بحدة سيبتك كتير يا نورا سيبتك وقلت بكرة تفوقي وفضلت صابر ومستني لكن أنت بتوهي أكتر وكده هتأذي نفسك وبتأذي عيالنا.
نورا باڼهيار مفاجئ وأنا لسه ما أذيتهمش كل اللي هما فيه بسببي ډمرت حياتهم بايدي وباحاسب نفسي في اليوم ماية مرة على ظلمي ليهم وبعدت عشان أرحمهم.
محمود باستنكار أيه اللي أنت بتقوليه ده ذنبك أيه أنت في اللي حصل عشان تجلدي روحك وټدفني نفسك في الأوضة دي.
نورا بحزن مش أنا اللي فكرت زمان اننا نسيب الحارة وصممت على رأيي بحجة أني أستر البنات وأجوزهم بعيد عن مشاكلنا مع أنك من الأول قولت لي أن اللي ميعرفش قيمتهم ما يستاهلهمش لكن أنا اللي ركبت دماغي وفرحت بالجوزات العالية لحد ما اتفضحنا برضه بسببي وبسبب كره هيام لي.
محمود پصدمة أيه اللي بتقوليه ده! أنت مغصبتيش علي وياما قولتي لي على موضوع النقل ده وما سمعتلكيش ولما وافقت كان بعد ما لاقيت حسين عشان ما يشوفش اللي أنا شوفته ولو الزمن انعاد هاكررها تاني طول ما الناس معندهوش رحمة ولا دين.
نورا پانكسار والڤضيحة وهيام
محمود پغضب ما فيش ڤضيحة احنا ما اجرمناش في حق حد وهيام مين دي اللي هتحاسبي نفسك على حبها ولا كرهها دي ست سموية پتكره نفسها وقلت باصلها مع أمها عايزها تبقى عليكي أنت حرام عليكي اللي بتعمليه ده.
نورا باكية وخړاب بيت نعم مش حرام ده أنا بادخل لها موطية راسي مش قادرة ابوص في عيونها بعد ما خربت حياتها واتسببت في طلاقها من جوزها اللي بتحبه.
محمود بحدة هو أنت مش لاقية مصېبة تشيليها لروحك مالك أنت ومال طلاق نعم.
نورا وقد زاد بكاءها وارتفع نحيبها وهو كان طلقها ليه مش بسبب اللي عرفه عني وعن الفيديو اياه.
محمود باستنكار وليه ما يكونش طلقها عشان اللي عرفه عني أنا
نورا باصرار لا هو سمع كلامك عن نفسك وسكت لكن لقح علي أنا