چريمة باسم الحب

في فترة قليلة وعملت سمعة ممتازة لشركة والدك.
شهاب بسعادة وهو يحتضن طفلته بشوق شكرا يا عمي ربنا ما يحرمني منك كله بفضلك لولاك كان زمنا خرجنا من السوق قبل ما ندخله.
نورا قادمة بخجل وبصوت متردد سلام عليكم أزيك يا شهاب حمد لله على السلامة.
شهاب بترحيب وبشاشة وعليكم السلام الله يسلمك يا ماما أزيك يا حبيبتي.
نورا بحرج تسلم يا حبيبي معلش يا شهاب على الموقف اللي حصل أخر مرة كنت هنا سامحني يا حبيبي.
شهاب بتسامح لا بجد أنا كده هزعل مفيش أم تعتذر لابنها وأنا مقدر الموقف وحاسس قد أيه خضتك على نعم أنا كل اللي كان مزعلني حالتك أنت وهي وخۏفي عليكم.
محمود بابتسامة شيبو كان بيكلمني كل يوم يطمن علينا كلنا بس كان ما بيحاولش يكلمك الا لما تهدي ولما عرف أنك فكيتي حظر التجول كان عايز يكلمك بس أنا قولت ليه أحسن تقعدوا سوا لما يرجع بالسلامة.
نورا بحرج طول عمره ابن أصول حقك علي مرة تانية يا حبيبي.
شهاب باعتذار لا يا ماما أنت كان عندك حق حقك تفتكري أني مش مهتم لما تلاقيني سيبتها مڼهارة كده ورحت اجيب العربية بس أنا كنت متغاظ عشانها و عارف أيه اللي ممكن يوجع صلاح الناس المادية تتضايق لما يتاخد منها حاجة و كمان الناس المظهرية اللي زيه تتحرق لما تحطيها في وضعها الطبيعي وتعرفيه أنه بيتباهى بحاجة غيره فمينفعش يعلى عليهم بصدق اما وقت ما نصحتها أنها لو راحت له تروح من غير فلوس مكنتش باتصرف من دماغي وعارف كويس أنها فلوسكم وحريين فيها بس أنا معتبرها أختي وكنت خاېف عليها مش على الفلوس كان لازم أتأكد أنه عايزها هي مش هياخدها عشان فلوسها أوياخد منها الفلوس وبعدين يرميها بعد ماتكون فقدت احترامها لنفسها و اتخلت عن الدنيا عشانه ومش هانكر أني كنت شاكك فيه وعارف أنه ممكن يكسرها بس كان هيبقى الچرح أهون وأقرب من بعد كده ممكن أكون فكرت بشكل عملي زيادة بس في الأول والأخر والله من خۏفي عليها.
محمود بأسف الحمد لله أنها جت على قد كده وفعلا الحمد لله أن ربنا ظهره على حقيقته قبل ما تضيع عليه من عمرها أكتر من كده.
نورا بحزن الحمد لله محدش بياخد أكتر من نصيبه بابتسامة مکسورة هاقوم بقى أعمل لك غدا حاجة سريعة كده بما أنك رجعت فاجأة لكن بكرة هاعمل لك غدا يستاهل بوقك.
شهاب ضاحكا لا متتعبيش نفسك ياماما أنا جايب معايا أكلة سمك سويسي وصايا استاكوزا على جمبري على كله وعديتها على المطعم يجهزوها.
محمود ضاحكا هو ده الكلام مفيش سفريات تاني قريب.
شهاب ضاحكا حضرتك تؤمر بأي وقت يجي لغاية عندك.
نورا بهدوء طيب قومي يا نغم نعمل شوية سلاطات و رز صيادية عقبال ما المطعم يبعت السمك.
محمود هامسا باهتمام بعد انصرافهما أخبار ماهي أيه.
شهاب بهدوء متقلقش يا عمي الوضع ده مش هيستمر كتير ماهي بتحب حسين ولا يمكن تستغنى عنه والموضوع كله هينتهي بمجرد رجوع بابا بس أنا نفسي هي اللي تفوق من نفسها عشان كده بلغت بابا أنه يكمل شغله وميحاولش يعجل بالنزول عشان نيها فرصة.
محمود بعتاب ليه كده يا شهاب ده مودي وحشاني قوي.
شهاب بعزم أنا بعمل كده عشانه مخصوص يا عمي ماهي لازم تبطل التذبذب اللي هي فيه ده وكمان تحدد هي عايزة أيه لأنها حتى لو رجعت بأمر من بابا مع أول مشكلة مامي هترجع تسيطر عليها تاني ومتقلقش أنا فعلا حاسس بأنها اتغيرت ويمكن الموضوع ده ينتهي حتى قبل رجوع بابا بإذن الله.
محمود بهم ربنا يهدي الحال يا بني.
شهاب بتهذيب بإذن الله يا عمي باهتمام هي نعم عاملة أيه دلوقتي.
محمود بحزن أهي زي ما هي عاملة فيها جدعة ومش هاممها بس أنا حاسس بيها وبوجعها تقريبا ما بتخرجش من أوضتها وبترد علينا بالعافية.
شهاب برفق بكرة لما تعدي مرحلة الصدمة

تشوفه على حقيقته وتنسى وتفوق لنفسها.
محمود بآسى خاېف عقبال ده ما يحصل يكون مستقبلها ضاع وخسړت كل حاجة.
شهاب بتأثر ليه حضرتك بتفكر كده
محمود بحزن إجازتها قربت تخلص وهي رافضة ترجع الجامعة نهائي وأكيد محدش هيرضا يجدد لها الاجازة تاني ده لولا الدكتور معرفتك اللي أديتني اسمه وحسين راح له مش عارف أيه اللي كان حصل ده غير أنها أهملت الرسالة بتاعتها وبتقول أنها بتفكر تصرف نظر عنها.
شهاب بتفهم بالنسبة للإجازة ما تقلقش أنا هاتصرف وعقبال مع الإجازة تخلص هتكون إجازة نص السنة جات وعقبال ما تخلص ربنا هيكون حلها وبالنسبة للرسالة بكرة تعرف مصلحتها وأن محدش يستاهل تضحي بمستقبلها عشانه.
محمود بحزن ربنا يسمع منك.
شهاب بغموض هو صحيح يا عمي هو من ساعة اللي حصل بطلتم تروحوا الجمعية يوم الجمعة.
محمود بتأثر والله دي كمان حاجة مزعلاني قوي بس أديك شايف هي مش عايزة تخرج ولا تشوف حد من يوم الطلاق والموضوع زاد من يوم ما البيه اتجوز وطبعا مش هنسيبها في الظروف دي ونروح بس متقلقش أنا كل أسبوع بابعت الحاجة بزيادة.
شهاب بابتسامة أه ما أنا عارف أصل أحمد هو اللي كلمني عشان قلق عليكم وكمان كان محتاج نعم في كام قضية بس أنا قلت له أن الظروف ملخبطة وأن نعم تعبانة وأننا بإذن الله هنيجي أول ما الظروف تتحسن.
محمود برجاء بإذن الله أنا كمان الولاد وحشوني قوي شاء الله نروح ويكون ربنا فك كربها وعوضها خير.
شهاب بغموض ما تقلقش يا عمي قلبي حاسس أن العوض قريب قوي بس بصراحة قلقان.
محمود بحيرة قلقان.
شهاب بغموض أصل في موضوع كده لو دوست فيه يمكن ربنا يكرمنا وننتهي من القصة دي بسرعة بس بصراحة بعد ما شوفت وش ماما نورا التاني خاېف أنت أيه رأيك.
محمود بثقة أنا معنديش شك أنك بتدور على مصلحتها زي أختك مشاكسا بص ما تدوسش قوي لأحسن نورا تدوس على رقبتك.
شهاب مداعبا وأنت مش هتساندني وتدافع عني.
محمود ضاحكا ولا أعرفك أنا ما صدقت خرجتها من أوضة نعمات.
شهاب ضاحكا حبيبي يا عمي.
بمكتب أحمد بدار الرعاية.
شهاب بابتسامة السلام عليكم.
أحمد ناهضا من كرسيه بلهفة أهلا أهلا حمد الله على السلامة الجماعة معك.
شهاب بغموض الجماعة مش ينفع يجوا لفترة طويلة هو أنا مش كفاية.
أحمد باندفاع ليه هي نعم جرى لها حاجة.
شهاب بخبث اشمعنى نعم يعني.
أحمد باضطراب مش لما كلمتك قولت أنهم مابيجوش عشان هي تعبانة.
شهاب بخبث لا هي دلوقتي أحسن بس الحمل هو اللي تاعبها.
أحمد پصدمة حمل! هي نعم حامل بابتسامة حزينة ألف مبروك ربنا يسعدها.
شهاب بسعادة يارب أحمد كنت محتاج أخد رأيك في حاجة محيراني.
أحمد بابتسامة مفتعلةاه طبعا اتفضل.
شهاب بخبث واحد صاحبي كان بيتردد على دار أيتام وقابل هناك دكتورة متطوعة بالكشف على الأطفال بنت أكتر من ممتازة وناجحة جدا في شغلها حبها جدا وطلب منها الجواز اتفاجأ بأنها بتقوله أنها أصلا من مجهولين النسب وهو طبعا اټصدم و مش عارف ياخد قرار خصوصا وأنه من عيلة كبيرة وأكيد كان يتمنى واحدة مناسبة لمستواه.
أحمد ببساطة يسيبها طبعا.
شهاب پصدمة يسيبها! هو ده رأيك.
أحمد بحسم طبعا ويدور له على واحدة من مستواه بسخرية تناسب عيلته الكبيرة وهي بإذن الله ربنا هيرزقها براجل بجد يعرف قيمتها ويصونها لأن اللي زيها خسارة في ندل زيه.
شهاب بدهشة ده رأيك.
أحمد بانفعال معلش عارف أنه صاحبك بس بصراحة فعلا البنت دي أرجل منه وهو ما يستاهلش ضفرها لما تبقى بنت بظروفها دي ومستسلمتش ولا ضاعت وكمان حاربت لغاية ما بقيت دكتورة ورغم كده ما اتكبرتش واتطوعت في ملجأ عشان تخدم الولاد اللي هي كانت يوم زيهم ونرجع نقول فاقد الشئ لا يعطيه الحقيقة أن صاحبك هو اللي مفتقد الرجولة مش قادر يواجه أهله والبنت دي واجهت الدنيا كلها لوحدها.
شهاب بإكبار بصراحة أنا مش عارف أنت اتحولت كده امتى وأزاي بس فعلا أنا فخور بأننا بقينا صحاب.
أحمد بابتسامة حزن عارف أنك مكنتش طايقني لما كنا زملة في المانيا وعندك حق أنا نفسي مش عارف أنا كنت طايقني أزاي بصراحة مكنتش اتخير عن صاحبك ده أناني ومغرور وفاكر نفسي فوق البشربآسى بس للآسف أنا لسه مش مستعد عن أتكلم عن الظروف اللي فوقتني يمكن يجي يوم واحكي بس دلوقتي لسه مش مستعد.
شهاب بتفهم وأنا مش هاسألك عن حاجة أنت مش مستعد تتكلم عنها بس في سؤال واحد محتاج إجابته وعايز منك وعد أنك تجاوبني بصدق وبالتفصيل.
أحمد بحيرة سؤال أيه.
شهاب باصرار أوعدني الأول وما تقلقش السؤال ملوش علاقة بظروفك اللي مش مستعد تتكلم عنها.
أحمد باستسلام أوك

أوعدك.
شهاب بهدوء أنت عايز أيه من نعم.
أحمد باضطراب وأنا هاعوز منها أيه.
شهاب زاجرا السؤال بصورة تانية مشاعرك أيه ناحية نعم ومتنساش أنك وعدت.
أحمد باضطراب هو فيه أيه يا شهاب هو يصح برضه نتكلم كده عن واحدة متجوزة وخصوصا ولو باخلاق نعم وبنت راجل زي الحج محمود وكمان أخت مراتك.
شهاب بصدق ولو حلفت لك أن اجابتك أي كانت مفيهاش إهانة لحد وبالعكس الموضوع فيه مساعدة لنعم.
أحمد باستنكار مساعدة لنعم أزاي يعني.
شهاب بإغراء اوعدك لو نفذت وعدك وجوبتني بصدق وبالتفصيل أنا كمان هاقولك وهاقولك كمان حاجة تسعدك.
أحمد بتوتر والله أنا عمري ما ضايقتها ولا بصيت لها بطريقة وحشة بس في الأول لما شوفت علاقتها بجوزها ورغم أنه بيبان مهتم بس كانوا بيفكروني بعلاقة كانت بين اتنين اعرفهم بحزن الست فيها كانت بتدي كل حاجة والرجل بياخد وبس وحاسس أن ده الوضع الطبيعي والست فضلت تدي وروحها تنطفي لحد ما انتهت كنت ملاحظ أن نعم بتعاني زيها حتى لو حاولت تبين العكس كنت الأول باتابعها وأنا خاېف القصة تتكرر بس فجأة اكتشفت أني مشدود لها بابتسامة روحها الحلوة وحبها للاطفال وبرائتها اللي تشبههم أحساسها بغيرها ضاحكا بسعادة تخيل أنها مرة عيطت وهي بتدافع عن واحدة من مطلقات الدار عشان صعبت عليها كنت بحب قوي أحضر مرافعاتها تحس أنها متوحدة مع الحالة بكل كيانها بصدق بس والله عمري ما فكرت أني اتعدى حدودي وعمري ما نسيت أنها أخت مراتك وبنت راجل بقدره وباحترمه ده غير أن شخصيتها هي نفسها متسمحش لحد بده و أنها ست متجوزة.
الحلقة الحادية عشر
والله عمري ما فكرت أني اتعدى حدودي وعمري ما نسيت أنها أخت مراتك وبنت راجل بقدره وباحترمه ده غير أن شخصيتها هي نفسها متسمحش لحد بده و أنها ست متجوزة.
شهاب بخبث كانت.
أحمد بحيرة كانت أيه.
شهاب بخبث كانت متجوزة صلاح طلق