قصة حماتي وبنت سلفتي كاملة

دكتور أطفال بسرعه
لقيته حاتم بيبص لي وقال لحماتي
حاتم
طيب هاتي وانا هدخل اوضتة الكشف بتاعت الأطفال واكلم الدكتور ينزل من فوق يكشف عليه ودخل وبعدها طلع لنا وقال
البقاء لله ياجماعة الطفل اټوفي للأسف ملحقناش نعمله حاجة
أميرة
ابني راح انت بتقول ايه يادكتور لا لا ابني لا ارجوك يا دكتور اكشف عليه تاني الله يخليك شوفوا ماله انا
حملت فيه بعد سنين
كتير ليه يروح كده
الحما
لا حول ولا قوة الا بالله انت بتتكلم بجد يادكتور الواد راااح فعلا ياحييبي يابني
حاتم
ايوه راح وعلى فكرة ياحجة عواطف مدام أميرة لازم تعرف كل حاجة عن اللي انتي عملتيه لان الولد ده مكنش اصلا هعيش وانا قولت لك الكلام ده وانتي مصدقتيش
أميرة
انت بتقول ايه يا دكتور يعني انتي ياحماتي كنتي عارفه ان ابني مولود تعبان ومش هيعيش طيب وليه مقولتيش ليا كده
الحما
مكنش ينفع اقولك يا أميرة الكلام ده
حاتم
الولد ده اتولد تعبان زي امه مش عشان هو اتولد تعبان وخلاص
أميرة
انا مش فاهمة حاجة يا دكتور يعني ايه زي امه تقصد تقولي اني انا كمان تعبانة
حاتم
لا ماهو انتي مش امه ومش ابنك انتي خلفتي بنت ومدام حنان اللي راحت هي اللي خلفت الولد ده عشان كده الولد طلع مريض زيها
أميرة بتزعق
انت بتقول ايه يادكتور هي مش حنان خلفت بنت وراحت معاها
حاتم
لا انتي خلفتي البنت ومدام حنان خلفت الولد ده
وبنتك عايشة مراحتش
أميرة
ايييه انا مش قادرة استوعب اللي بسمعه طيب وبنتي فين يعني انا بنتي اللي راحت فين عليا ماترد يادكتور وازاي انتو قولت اني خلفت ولد
حاتم
بنتك موجوده وفي الحفظ والصون وانا قولت لك انك خلفتي ولد باتفاق مع الست عواطف حماتك
وبدأ يحكي يلي لما حماتي اتفقت معاه
فلاش باك
الحما
اسمع يا دكتور انت هتقول لابني ان مراته حنان خلفت بنت وراحت هي وامها عشان تاخد ابن حنان تديه لاميرة تربيه على اساس ان أميرة هي اللي خلفت ولد مش بنت
حاتم
ازاى الكلام ده انا لا يمكن اعمل حاجة زي دي ازاى عايزاني اقول ان حنان خلفت بنت وراحت وان أميرة خلفت ولد طيب ليه وانتي هتستفادي ايه لما تعملي كده
الحما
انا عايزة كده عشان أميرة لو عرفت ان الولد ابن حنان هتعامله وحش يادكتور ومش هترضي تربيه
حاتم
تقومي تقولي ترمي بنتها عشان تخليها تربي طفل مش ابنها ده في شرع مين ده
الحما بخبث
الله يخليك يادكتور أقف جنبي انت متعرفش حاجة أصلها پتكره حنان اوي ولو عرفت ان الولد ابن حنان عايش ممكن تخلص منه صدقني
حاتم
معقول الكره يعمل كده طيب والبنت هنعمل فيها ايه وهنوديها فين
الحما
انا هاخدها هوديها ملجأ هتبقا تحت عنيا وهخلي بالي منها بس المهم تعمل زي ما قولت لك بالظبط وخود الفلوس دي كلها ليك
حاتم
انا مش هعمل كده عشان الفلوس انا هعمل عشان الولد يتربى في مكان كويس
باااااااااااك
دخل مصطفى وقال
معقوله اللي انا سمعته ده انتي ياماما تعملي كده طيب ليه عشان ايه مع انك عارفه ان أميرة وحنان كانو كويسين مع بعض
أميرة
ليه تعملي كده يا حماتي ليه مع انك كنتي عارفه اني انا وحنان اكتر من اخوات مع بعض ليه كده
الحما
معلش ياولاد الشيطان والله اللي خلاني اعمل كده حقكم عليا سامحوني انا كنت فاكره اني لما اقول ان الولد ابن حنان انتو مش هتهتمو بيه
أميرة
حسبي الله ونعم الوكيل طيب وبنتي فين هاتولي بنتي انا عايزه اشوفها
حاتم
اطمني يامدام أميرة بنتي عندي انا بعد ما حماتك ودتها
الملجأ روحت اخدتها من هناك عشان اربيها وهي زي الفل وكمان زي القمر تعالوا معايا البيت وانتو تطمنوا عليها وتاخدوها
ورحت بسرعه انا ومصطفى عند الدكتور حاتم وحضنت بنتي ومراتة في الوقت ده كانت بتولد وهو قال
حاتم
يارب استر يارب انا مراتي هي كمان مريضة قلب وبتولد دلوقتي وانا خاېف عليها
أميرة
انا هدعي لها انها تقوم بالسلامة يادكتور وان شاء الله خير اطمن اكيد بعد الخير اللي عملته مع بنتنا ربنا هيقف معاك
وبعدها رجعنا البيت وفعلا مراتة ولدت وبقت كويسة وحاتم جالنا البيت وقالنا قالي
حاتم
الحمد لله يارب والله انتو وشكم حلو عليا الحمد لله ان مراتي ولدت وقامت بالسلامة انا كنت خاېف جدا انا مش عارف اقولكم ايه ارجوكم متزعلوش مني
مصطفى
حمد الله على سلامتها يادكتور والله انا كان المفروض ابلغ عنك بس للاسف مش هقدر عشان امي هي اللي كانت متفقه معاك وانا مش هعرف أضر امي وكمان انت حافظت على بنتي
أميرة
خلاص يامصطفى بلاش عشان خاطر هي امك برضو والدكتور حاتم وقف معانا في الاخر بس احنا ناخد بنتنا ونروح نعيش في مكان تاني
مصطفى
عندك حق يا أميرة احنا فعلا هنعمل كده
وبقينا نلم حاجتنا وحماتي قالت
الام
خلاص يا مصطفى هتمشوا انا عارفه يابني ان ليكم حق تعملوا اكتر من كده وانا مش هلومكم بس ابقوا زوروني ياولاد
مصطفى
اشوف وشك بخير يا ماما عن اذنك يلا بينا يا أميرة
وبعدها مشينا انا ومصطفى وبنتنا وعشنا بعيد عن حماتي وشرها
وبكده تكون خلصت حكايتي