منه عرفة ترد علي إلهام شاهين مش لازم أعمل شيء غريب عشان ابقي فنانة
وأفادت بأنها تطلب بألا يحاسبها الجمهور على حياتها الشخصية، ولكن يحاسبها على أعمالها وفنها فقط، قائلة: "أنا مؤمنة إن الفنان أو الشخصية العامة من حقه يعمل شخصية لنفسه وعايز يبينها للناس، هل أنا عشان أكون حقيقية أطلع وأقول بعمل حاجات غلط؟.. الناس ملهاش دعوة، أنا كل الناس ليها عندي إني أقدم ليهم فن أو مسلسل أو فن، بس محدش يحاسبني على حياتي الشخصية عشان أنا مش بقدمها لهم"
وقالت الفنانة منة عرفة في نفس اللقاء: "زوجي محطش شرط إني أبطل تمثيل علشان يكمل معايا، ولكن هناك حدود وخطوط معينة لمشاركتي في الأعمال الفنية".
حقيقة طلاق منة عرفة
وأوضحت: انا وزوجي منفصلناش ومحصلش طلاق بيننا زي ما الناس فهمت".
مشاجرة منة عرفة وزوجها
وتابعت: "كان فيه مشكلة بيني وبين جوزي وحصل فيها سوء فهم منه ولما حصل سوء الفهم قعدنا مع بعض وحصلت خناقة فالموضوع سخن فجأة قلنا هنتطلق وكنا ماشيين في إجراءات الطلاق وهنتطلق فهو تسرع وراح منزل ان تم الانفصال فرديت عليه، ولكن رسميا احنا منفصلناش والأهل لما تدخلوا زودوا المشكلة ولكن محصلش طلاق".
وكانت الفنانة منة عرفة علقت على ردود فعل بعض الشامتين، عقب إعلان انفصالها عن زوجها الفنان الشاب محمود المهدي.
وقالت منة عرفة خلال لقائها "محدش بيفرح لحد غير صاحبك ومامتك وباباك وأخوك، أنا كنت متخيلة أن الناس بتفرح لبعض وطلعت غلطانة".
وتابعت قائلة: "فيه ناس فرحت أول ما سمعت خبر طلاقي، وكانوا عاملين رهان أنهم هيتطلقوا، وأول ما خبر الانفصال انتشر قعدوا يقولوا شوفوا مش قولتلكم مش هيكملوا سنة ويتطلقوا، ولذلك قررت مظهرش أنا ومحمود تاني في أي لقاءات، وشفنا كمية سواد وتنمر كبيرة".
