رواية أحببت جاهلة بقلم إسراء إبراهيم

اسكربت
احببت جاهلة
انا مش عاوزة اتعلم يا خالتي لو سمحتي بقي سيبيني
شاهندا پصدمة نعم يا روح خالتك يعني ايه مش عاوزة تتعلمي انتي عاوزة تشمتي بنت رباب فيا
صبا بحزن يعني هو انا هفرق في ايه لو اتعلمت يا خالتي بس اديكي شوفتي محمد بيعاملني ازاي ده حتي مش بيطيق يبص في وشي هيفرق معاه لو اتعلمت
شاهندا بغيظ بس عالاقل علا خطيبته هتبطل تعاملك علي انك جاهلة وانتي كمان هتكبري في عيون نفسك
صبا بيأس مش فارقة يا خالتي انا اصلا معرفش ليه بيكرهوني ومش بس علا بنت خالتي وخطيبة محمد حتي خالتي رباب نفسها كمان مش بتعاملني زيك ولا حنينة زيك يا خالتي
شاهندا بابتسامة يا عبيطه ده انتي بنتي وامك الله يرحمها كانت بنتي برضه مش اختي الصغيرة اما خالتك رباب فهي اه اختي برضه وبحبها بس بقي بصراحة كدة هي بتغير منك اه اكمنك احلي من علا بنتها وكمان عشان كانت بتغير من امك الله يرحمها اكمنها حلوة زيك كدة
صبا بابتسامة انا بحبك اوي يا خالتي والله اللي مصبرني علي اللي بيحصل فيا ده هو انتي كفايا انك ربتيني كأني بنتك بعد امي الله يرحمها
شاهندا بحب طيب يلا بقي بلاش دراما وخشي البسي واستعدي عشان المدرسة اللي هتعلمك جاية كمان شوية
صبا بحب حاضر يا حبيبتي من عيوني انا لو هتعلم فعشانك انتي بس عشان تبقي فخورة بيا وعشان خالتي رباب متعايركيش بيا
جريت صبا علي اوضتها وسابت شاهندا واقفة وعلي وشها ابتسامة حزينة لانها صعبان عليها صبا اوي
.........................
كان الكل متجمع فس بيت جدة صبا الحاجة صباح فكانو كلهم قاعدين لما دخلت شاهندا ومعاها صبا
صباح بحب صباح الخير يا ام صبا
شاهندا بفرحة والله بفرح لما بتقوليلي كدة يا حاجة صبا دي احلي حاجة في حياتي
رباب بسخرية مش اوي كدة يا شاهندا ان مكنتش جاهلة يعني وعقلها علي قده
صبا بصت لخالتها بحزن ومتكلمتش واللي ردت شاهندا بحسم خليكي انتي في حالك يا رباب ماهي مش بالتعليم يا حبيبتي ما انتي اهو بنتك اتعلمت في بلاد برة بس الشهادة مش هتخليها حلوة زي رباب وده اللي مجننكم
رباب بغيظ انتي بتقولي ايه بقي انا بنتي وحشة لا يا حبيبتي دي قمر ولو مش حلوة مكنش محمد ابن اخوكي خطبها
شاهندا بخبث انا وانتي عارفين محمد خطب بنتك ليه ماهو الزن عالودان يا رباب وانتي وبنتك سيد مين يزن ولا نسيتي لما كنتي بتخليها تدور وراه في كل حتة
رباب پغضب اخرسي قطع لسانك عاجبك اللي بيحصل ده يا ماما
صباح بضيق خلاص يا رباب انتي اللي جبتيه لروحك بكلامك اللي ملوش لازمة ده اقعدي بقي واتهدي وانتي يا شاهندا يلا خشي شوفي الاكل واعملي حسابك في ضيوف جايين مع محمد عالغدا هو اتصل و قال كدة
شاهندا بابتسامة حاضر يا ماما اللي تشوفيه من عيوني يلا يا صبا يا حبيبتي
دخلت صبا المطبخ مع شاهندا تحت نظرات رباب اللي كلها غيظ
......................................
عالسفرة كانو قاعدين كلهم وعلي راس السفرة صباح اللي كانت بترحب بضيوف محمد ابن بنتها
صباح بابتسامة كلو يا حبايبي بالف هنا انتو هنا في بيتكم
شادي بابتسامة الاكل تحفة يا حجة صباح تسلم ايديكي
صباح بابتسامة لا بصراحة الحق يتقال دي عمايل بنتي وحفيدتي صبا
شاهندا بفرحة والله صبا مخلتنيش امد ايدي في حاجة هي عملت كل حاجة ماشاء الله عليها نفسها في الاكل حلو
شادية باعجاب وهو بيبص لصبا ماشاء الله تسلم ايدك يا
انسة

صبا
صبا بخجل شكرا بالهنا والشفا
محمد بضيق هنفضل نرغي كلو بقي وانتو ساكتين وانتي يا صبا قومس اعملي الشاي
صبا بصت لمحمد بحزن وقامت بس لحقها شادي بسرعة لا طبعا يا محمد عيب عليك والله خليكي يا انسة صبا انتي لسة مكملتيش اكلك اقعدي لو سمحتي
صبا بهدوء لا عادي انا اصلا شبعت بعد اذنكم
محمد كان بيتنفس پغضب وهو شايف نظرات شادي لصبا وعشان كدة طلب منها تقوم وكانت كل ده متابعاه صباح بهدوء ده غير نظرات علا اللي بتبتسم پشماتة
شاهندا بضيق انا بنتي مش شغالة يا محمد عشان تقومها من عالاكل عشان تخدمك انت وضيوفك والاولي تطلب من خطيبتك ماشي
محمد بضيق انا مقصدش يا خالتي انتي فهمتي غلط
شاهندا بضيق غلط ولا صح مبقتش فارقة بس ابقي خد بالك لاني مش هسمح لحد يزعل صبا او يضايقها ابدا
قالت شاهندا كلامها وسابتهم وقامت دخلت المطبخ ورا صبا ومحمد وقتها نفخ بضيق
بليل شطبت صبا المطبخ عند جدتها وكانت بتشطب وهي بتفتكر كلام محمد ليها واحراجه ليها قدام صاحبه ودموعها وقتها نزلت بحزن لحد ما سمعت صوته من وراها
محمد بتردد احم صبا كنت عاوز اتكلم معاكي
صبا مسحت دموعها بسرعة خير يا ابن خالي عاوز ايه
محمد باستغراب ليه بتقولي كدة عشان زعلانة مني مش كدة
صبا بحزن وهزعل منك ليه يا محمد انا بس بفكرك اني بنت خالتك يعني مش عدوتك
محمد باستغراب ومين قالك اني بعتبرك عدوتي
صبا باندفاع وهي بتلف وشها وتبصله كلامك وتصرفاتك معايا دايما بتعاملني وحش رغم انك مشوفتش مني حاجة وحشة ودايما بسأل نفسي ليه ات عملت ايه يخليك تعاملني كدة
محمد كان مركز في عيون صبا وهي بتتكلم لمعة الدموع في عنيها كانت مخلياه تايه فيهم ومش قادر حتي ينطق
صبا بحزن بس تعرف انا مش زعلانة منك لاني متعودتش ازعل من اي حد بيضايقني بس عالاقل كنت بتمني تعاملني حلو زي ما بتعامل علا
محمد بانتباه صبا انتي مش فاهمة حاجة انا مقصدش انك تفهمي تصرفاتي غلط بس الحقيقة اني كنت مضايق من نظرات شادي ليكي مكنتش عاوزك تفضلي قدامه
صبا بسخرية بقي هي دي حجتك للاسف حتي كدبتك مش عارف تخليني اصدقك فيها لانك لو اولي تخاف من نظرات صاحبك هيبقي علي خطيبتك مش عليا انا عموما حصل خير يا ابن خالي بعد اذنك
جريت صبا من قدام محمد اللي كان واقف بيفكر في كلام صبا ومكنش عارف يبرر تصرفاته ليها ووقتها همس بصوت مسموع عندك حق يا صبا للاسف عندك حق في كل اللي قولتيه
..................................................
بعد يومين كانت نازلة صبا من البيت وهي بتحاول تفتكر كل الحجات طلبتها منها خالتها شاهندا وكانت بتعد علي ايديها كل حاجة لحد ما محستش بنفسها وخبطت في شادي اللي كان داخل البيت وكانت هتقع بس هو لحقها فاكنت قريبة منه اوي ووقتها ابتسم شادي بفرحة لان الصدفة جمعته بصبا وهو اصلا كان جاي عشانها وصبا اول ركزت كانت هتبعد بس ايد محمد كانت اسرع وشدها بعيد عن شادي پغضب
محمد بحدة وهو بيبص لصبا علي فوق ومشوفش وشك تاني هنا
صبا بتهتهة يا محمد والله انا مكنتش اقص
محمد پغضب وعصبية قولتلك علي فوووق
اتنفضت صبا من صوت محمد ودموعها نزلت بحزن وجريت علي فوق پخوف وهي بټعيط باڼهيار ووقتها محمد بص لشادي پغضب
شادي بضيق انت بتزعق ليها ليه صبا مالهاش دعوة وبعدين دي كانت هتقع بسبب اننا خبطنا في
بعض وانا لحقتها و
محمد قاطع
شادي وهو
بيمسكه

من هدومه پغضب اسمع يا شادي انت صاحبي اه بس صبا خط احمر ومش هسمحلك انك تقرب منها انت فاهم فشيلها من دماغك خالص احسنلك
شادي بعصبية خفيفة يا عم افهم بس الاول انا مش نيتي حاجة وحشة والله انا معجب بيها و
محمد پغضب اعمي متفكرش يا شادي احسنلك انت فاهم صبا مش ليك فانساها وشوف نصيبك
شادي باستغراب يعني ايه وبعدين انت حتي مقولتليش هشوف رأيها
محمد بانفعال عشان مش مجتاج اعرف رأيها صبا مش موافقة يا شادي انت فاهم ويلا بقي شوف رايح فين
محمد ساب شادي وطلع تاني وشادي كان متابعه بضيق وڠضب وهو مش فاهم اي حاجة وبعدين مشي وعقله مشغول باللي حصل اما صبا فاول ما دخلت شقتها وهي بټعيط بحړقة وشافتها شاهندا كدة اتخضت فجريت
صبا عليها
شاهندا بقلق في ايه ايه اللي حصل فهميني يا صبا
صبا باڼهيار محمد يا خالتو
شاهندا باستغراب ماله محمد زعلك ليه وشوفتيه فين اصلا انتي مش نازلة تجيبي طلبات البيت
كانت صبا هترد بس قطع كلامها دخول محمد اللي كان في قمة غضبه واول ما شافته صبا استخبت ورا شاهندا بسرعة من الخۏف وهي بټعيط
شاهندا بضيق في ايه يا محمد مالك ومال صبا وزعلتها ليه
محمد پغضب مكتوم سيبيني مع صبا يا خالتو شوية
صبا اول ما محمد قال كدة تبتت في شاهندا اكتر من الخۏف وده عصب محمد اكتر
شاهندا پغضب يعني ايه اسيبها معاك مش كفايا خالتك عليها هيبقي انت وهما انت عاوز ايه من البت يا محمد انت فاكر انها مالهاش حد
محمد مكنش همه اي حاجة غير صبا وعنيه اللي مركزة عليها
محمد بجمود قولتلك سيبيني مع صبا يا خالتو لو سمحتي
شاهندا بتردد طيب يا محمد بس اعمل حسابك لو زعلتخا ولا فكرت تيجي عليها انا مش هسكتلك انت فاهم مټخافيش يا صبا محمد مش هيعملك حاجة يا حبيبتي مټخافيش
دخلت شاهندا المطبخ ووقتها صبا بصت لمحمد پخوف واول ما لقته بيقرب منها بعدت پخوف
محمد پغضب مكتوم انتي عارفة اللي عملتيه ده ايه.
صبا پخوف وهي بټعيط انا اسفة انا مقصدش انا كنت هقع و
محمد وهو بيقرب اكتر ازاي تسمحيله وانه يبقي قريب منك اوي كدة
صبا بتهتهة وهي بتمسح دموعها يا محمد والله انا مكنتش اعرف انه اصلا كان جاي و
محمد بهدوء مريب انتي مش هتوافقي عليه يا صبا انتي فاهمة
صبا باستفهام اوافق علي ايه انا مش فاهمة
محمد پغضب علي جوازك منه انتي هتقولي لخالتي انك مش موافقة فاهمة ولا لا
صبا پصدمة انا فعلا مش موافقة ومعرفش حاجة والله يا محمد صدقني
محمد كانت عنيه في عيون صبا وهو قريب منها فلقي نفسه برفع ايديه وبيمسح دموعها وهو سرحان في عنيها
صبا بتوتر وقلبها بيدق ح حاضر والله
محمد بنفس الهمس وممكن بطلي عياط انا اسف مش قصدي اخوفك
صبا ابتسمت بتلقائية ووقتها محمد اتوتر اكتر ودقات قلبه ذادت وهو مش عارف يبعد عنيه عن عيون صبا وفي نفس الوقت كانت خارجة شاهندا تطمن علي صبا وشافتهم واقفين كدة فاټصدمت وبعدين ابتسمت بتلقائية وهي بتبصلهم ووقتها فهمت كل حاجة
..........................................
تاني يوم كانو قاعدين كلهم في بيت الجدة صباح وكانت شاهندا بتفكر وبعدين ابتسمت بخبث وهي بتبص لعلا اللي كانت قاعدة جمب محمد وبتتكلم معاه بدلع وقاصدة تغيظ صبا بس صبا مكنتش مركزة لانها كانت
بتفتكر اللي حصل امبارح مع محمد وكلامه ليها وكانت في دنيا تانية
صباح بابتسامة في خبر حلو يا جماعة
رباب بفضول خير ياماما

في حاجة ولا ايه
صباح بتلقائية ايوة يا رباب اصل صبا جالها عريس
محمد قبض علي ايديه پغضب لانه كان عارف ان شادي مش هيبعد وكان متأكد ان هو العريس ووقتها بص لصبا اللي اتوترت وبصت بعيد
علا بسخرية خير يا تيتة يا تري مين العريس اكيد حد من الشارع هنا جاهل ومش متعلم زيها
محمد پغضب وتحذير علااا ياريت تسكتي احسن
كملت صباح بحدة الظاهر ان امك نسيت تربيكي كويس يا علا يا خسارة يا رباب
رباب پشماتة وهي بنتي غلطت في ايه يا ماما بس ماهي بتقول الحقيقة
شاهندا بخبث سيبك منهم يا ماما المهم مين العريس المرادي
صباح بابتسامة شادي صاحب محمد جالي انهاردة الصبح وطلب ايد صبا مني وانا شايفة ان الشاب ميتعيبش يا بنتي ده مهندس قد الدنيا
رباب پصدمة نعم شادي المهندس عاوز يخطب صبا لا دي في حاجة غلط
شاهندا بفرحة وهي بنتي معيوبة دي ست البنات كلها وكفايا جمالها اللي مغطي علي اي بنت في شارعنا كله
محمد مكنش مركز في اي حاجة غير علي صبا وهو بيبصلها بغموض وبيحاول يتحكم في غضبه
صباح بحب ها ايه رأيك يا صبا يا حبيبتي موافقة ولا لا
صبا بتردد انا مش موافقة يا تيتة لو سمحتي بلغيه رفضي
شبح ابتسامة ظهرت علي وش محمد وهو بيبص لصبا بس اصرار جدته خلاه يضايق تاني
صباح باصرار ليه بس يا صبا ده الشاب ميتعيبش ابدا فهميني مش موافقة ليه
صبا بصت لمحمد وقالت بتردد عشان انا مش بفكر في الجواز دلوقتي يا تيتة
شاهندا بخبث براحتك يا حبيبتي انتي ست البنات يعني تقعدي وتختاري براحتك وعموما متستعجليش فكري كويس بس انت رأيك ايه يا محمد بما انه صاحبك يعني
محمد پغضب مكتوم انا مش موافق والقرار ليكم
شاهندا بابتسامة طبعا يا حبيبي انت ادري مش صبا زي اختك برضه يعني اكيد يهمك سعادتها
محمد بص لصبا بجمود وكان مستغرب الڠضب اللي متملك منه ومش عارف سببه وهنا قام بضيق وسابهم وكان هيمشي بس لحقته شاهندا بسرعة
شاهندا بسرعة بقولك يا محمد ممكن يا حبيبي تقعد مع صبا تفهمها حاجة كدة في الكراسة اصلها كانت محرجة تسألك
صبا اتوترت وبصت لمحمد پخوف بس محمد رد بلهفة تمام طبعا مفيش مشكلة فين الحاجة اللي مش فاهماها يا صبا
صبا بتردد وهي بتقوم هجيب الكراسة من فوق واجي
وفعلا راحت صبا جابت كراستها وقعدت مع محمد في ركن بعيد تحت نظرات علا اللي كانت بتاكل في بعضها من الغيظ وهي شايفة صبا قاعدة مع محمد وبيتكلمو
محمد بهمس وهو فاتح الكراسة جدعة انك سمعتي الكلام ورفضتي شادي
صبا بنفس الهمس بس انا مرفضتش شادي عشان انا خاېفة منك ولا عشان انت طلبت مني كدة علي فكرة
محمد بتكشيرة قصدك ايه
صبا بتشجيع اقصد اني لو عاوزة شادي كنت وافقت عليه عادي لكن انا مش عاوزاه وعشان كدة رفضت
محمد بتكشيرة و همس غاضب يعني افهم من كدة لو حد غير شادي ممكن توافقي عليه
صبا بثقة مزيفة ايوة ليه لا
عنيهم اتقابلت سوا ووقتها محمد كان نفسه يفهم صبا وقصدها من كلامها بس هي بصت للارض بخجل وتوتر وشاهندا وقتها قربت عليهم بعصير
شاهندا بحب ايه الاخبار يا محمد يا حبيبي طمني صبا عاملة ايه
محمد بابتسامة لا تمام اوي يا خالتي
دي شوية وهتعرف تقرا احسن مني كمان
صبا بابتسامة بجد
محمد بابتسامة
ايوة بجد طبعا انتي بقيتي شاطرة خالص
صبا فرحت اوي بكلام محمد واتصرفت بتلقائية وهي بتمسك ايد محمد وبتقوله بفرحة انا
فرحانه اوي وان

شاء الله هتعلم اكتر كمان
محمد اتوتر وبص لصبا ولايديها اللي ماسكة ايديه وهي وقتها انتبهت لنفسها وسحبت ايديها بسرعة و قطع لاحظتهم
صوت علا اللي كله غيظ
علا پغضب احنا مش هنفضها سيرة بقي ولا مش ورانا غير صبا الجاهلة
محمد پغضب علاااااا احترمي نفسك فاهمة ولا لا
علا بغيظ انت بتزعقلي عشان دي يا محمد
محمد بحسم بقولك ايه يا علا انا بزعقلك عشان انتي بتقولي كلام ملوش لازمة ويلا روحي شوفي رايحة فين وملكيش دعوة بصبا تاني فاهمة
ابتسمت صبا بتلقائية وهي باصة لمحمد لانه اول مرة يدافع عنها ويقف معاها اما علا فاتغاظت وسابتهم ومشيت ووراها شاهندا ووقتها صبا قربت من محمد بتردد
صبا بابتسامة شكرا يا محمد لانك دافعت عني دي اول مرة تدافع عني
محمد حاول يبان طبيعي من تأثير كلام صبا عليه ووقتها ابتسم بتلقائية ورد مش معني اني مكنتش بتكلم قدامك يبقي اني مكنتش بدافع عنك واسألي تيتة انا كنت بعمل ايه بعد ما بتمشي
صبا بابتسامة مش مهم اللي فات المهم انك دلوقتي بتعمل كدة بعد اذنك هروح اساعد تيتة
مشيت صبا وسابت محمد متابعها باحساس جديد عليه اوي
..........................................
تاني يوم كانت قاعدة صبا فوق السطح بتذاكر شوية وتسرح شوية لحد ما انتبهت لصوت علا اللي كانت واقفة وهي مربعة ايديها وبتبصلها بسخرية
علا بسخرية انتي فاكرة لما تعملي كدة محمد هيبصلك
صبا بتلقائية ومين قالك اني عاوزة محمد يبصلي يا علا انا مش زيك ببص لحاجة غيري
علا پغضب قصدك ايه اني انا اللي ببص لحاجة غيري لا يا روحي محمد كان بتاعي من الاول وانتي اللي كنتي بتحلمي انه يبصلك بس هو صدمك وخطبني
صبا بجدية محمد مش لعبة عشان انا وانتي نتخانق عليه يا علا ولا ينفع انك تقولي انه بتاعك لانه راجل وفاهم كويس اوي وعارف اختياراته وانتي عارفة ان اللي اقصده بكلامي هو انك لما سمعتي تيتة بتتكلم مع خالتي وبتقولها انها عاوزاه يتجوزني الڼار قادت فيكي وقررتي تخطفيه وعشان كدة لعبتي عليه بطريقتك اللي انا عمري ما اعمل زيها ابدا رغم اني اقدر وانتي عارفة من جواكي ومتأكدة اني لو عملت كدة كان زماني متجوزة محد ومن بدري كمان يا علا
علا بغيظ انتي فاكرة ان كلامك ده هيفرق معاياحتي لو كان فعلا صح انا المهم عندي ان محمد بقي خطيبي وانتي حتة جاهلة اخرك تطلبي منه انه يعلمك
صبا عنيها دمعت وهي باصة لعلا وحاسة باهانة كبيرة وفي نفس الوقت سمعو صوت محمد باستغراب من وراهم انتي بتعملي ايه هنا يا علا
علا بتوتر اانا اصلي كنت بدور علي صبا وخالتي قالتلي انها فوق السطح بتذاكر وطلعت اقعد معاها شوية
محمد بشك غريبة وانتي من امتي وانتي قريبة من صبا يعني
علا بتمثيل في ايه بس يا محمد يعني هو عشان بنتناقر انا وهي كتير ابقي بكرهها انت غريب اوي
محمد وعنيه علي صبا انتي كويسة يا صبا مالك
صبا بصوت مخڼوق مفيش بعد اذنكم
سابتهم صبا وكانت هتنزل بس لحقها محمد ومسكها من ايديها فبصتله ووقتها اتكلم محمد بشك استني ممكن اعرف مالك
علا اتوترت فحاولت تداري مفيش يا محمد هي كدة بتحب تمثل وتبين انها مظلومة عشان تلفت الانتباه
محمد پغضب علا انزلي علي تحت حالا يلا
علا بتوتر ايوة بس يعني منا قاعدة معاكم و
محمد
بحسم قولت علي تحت يلاااا
نزلت علا علي تحت بغيظ ووقف محمد يبص لصبا
محمد بهدوء ممكن تعرفيني مالك
صبا باندفاع ودموعخا بتنزل يهمك تعرف ولو يهمك

من امتي يا محمد كنت قدامك طول الوقت وانت مش شايفني اشمعني دلوقتي شوفتني كنت بعمل المستحيل عشان اشوف في عيونك وعيون اللي حواليا اني موجودة وانكم عارفين ان في واحدة عايشة معاكم انتو ليه بتعملو كدة ليه انا عملت ايه عشان تعاملوني كدة
صبا كانت بتتكلم وهي بټعيط ومحمد كان متابعها وقلبه بيتقطع عشانها ووقتها مسك ايدها وهو بيقاطعها بكلامه اللي فاجئ صبا
محمد باندفاع انتي فاهمة كل حاجة غلط انا مش بس شايفك انا حاسس بيكي اكتر من اي حد في الدنيا يا صبا انا لو كنت بتعمد اتجاهلك فده عشان امنع نفسي اني اتعلق بيكي وامنع مشاعري انها تتحرك ناحيتي وده بسبب كلامك مع علا انا عمري ما كنت هقصد اني اجرحك لاني الوحيد اللي بېخاف عليكي من الهوا اللي بيعدي من جمبك صبا انتي مش فاهمة حاجة بس انا لكا عرفت انك بتكرهيني وانا حاولت ابعد عن طريقك علي قد ما اقدر بس للاسف مقدرتش كأن كل حاة بتشدني ليكي اكتر
صبا كانت بتسمع محمد وهي مصډومة ومش متخيلة ان اللي بتسمعه ده حقيقة ووقتها اتكلمت وهي علي نفس صډمتها انت بتقول ايه انا بكرهك
محمد بتنهيدة انا مش بلومك علي كلامك صدقيني بس كان نفسي اعرف اوي ليه كتير جه عليا وقت كلن نفسي فيه اسألك ليه يا صبا يمكن انا جاد شوية يمكن مش بعرف اعبر كويس بس انك بتكرهيني ومش عاوزة حتي تبصي في وشي قد ايه وجعني كلامك
صبا بانتباه ممكن اعرف مين اللي قالك كدة اني بكرهك واني مبطيقش ابص في وشك
محمد بجدية علا بس مش مهم المهم ان دي الحقيقة واللي مقدرتش اغيرها لحد دلوقتي يا صبا
صبا مردتش علي محمد وكان عقلها بيردد بس اسم علا سبب كل حزنها وسبب كره اللي حواليها ليها سابت يبا محمد ونزلت وهي مش مستوعبة ان علا پتكرها اوي كدة لدرجة انها تخلي محمد ياخد فكرة عنها انها بتكرهه وانها مش طايقاه عشان بس تبعد ه عنها كان محمد متابع صبا بعنيه واللي كان متخيله انها لما عرفت ان علا طلعت سرها وقالتله الكلام اللي دار بينهم زعلت وعشان كدة سابته ونزلت ووقتها اتنهد بضيق
...........................................
كانت قاعدة صبا قدام شاهندا خالتها اللي كانت مصډومة بعد ما حكلتها صبا كل حاجة
شاهندا بغيظ بقي بنت رباب يطلع منها كل ده صحيح بت عقربة صحيح
صبا پصدمة انا مش عارفة ليه عملت كدة ليه تكره محمد فيا وتخليه يفتكر اني بكرهه هي استفادت ايه انا مش فاهمة
شاهندا بتلقائية طبعا مش محتاجة سؤال انا دلوقتي اصلا فهمت كل حاجة هي عملت كدة لما عرفت ان محمد معجب بيكي
صبا پصدمة اكبر انتي بتقولي ايه يا خالتو محمد معجب بيا انا
شاهندا بثقة طبعا انتي متعرفيش حاجة دي بت سماوية اكيد حست ولا مش بعيد يكون قالها انه معجب بيكي وهي راحت استغلت كلامهم سوا وقالتله انك بتكرهيه وعشان كدة هو كان بيحاول يبعد عنك
صبا بتفكير معقول محمد يفكر فيا انا طب ليه وازاي انا فين وهو فين يا خالتو
شاهندا وهي بتطبطب علي ايد صبا بحنية انتي ست البنات يا صبا
متقوليش كدة اصلا انا كنت ملاحظة نظرات محمد ليكي من زمان بس كنت بستغرب
معاملته معاكي وازاي انا فاهمة نظراته غلط بس دلوقتيوفهمت كل حاجة
صبا علي قد فرحتها بكلام خالتها لكنها زعلت ان حتي لو الكلام
صح فهي مش هتقدر

حتي تبص لمحمد غير انه خطيب بنت خالتها مش اكتر مهما كانت مشاعرها من ناحيته بس عالاقل هتبدأ تاخد بالها من تصرفاته معاها
شاهندا بابتسامة روحتي فين يا صبا يا حبيبتي سرحتي يعني
صبا بتنهيدة مش عارفة يا ماما انا بس مش هقدر حتي ابص لمحمد تاني وهو واخد الفكرة دي عني
شاهندا بتشجيع لا طبعا انتي لازم تفهميه انك مش بتكرهيه ولا حاجة بالعكس ولازم يعرف حقيقة علا العقربة دي
علا بلهفة لا يا خالتو طبعا لو سمحتي اوعي تقولي حاجة سيبيها تيجي لوحدها لو سمحتي
شاهندا بحيرة حاضر يا صبا اللي انتي شايفاه يا حبيبتي
تاني يوم كانت نازلة صبا عالسلم وهي لابسة لبس خروج فقابلت محمد عالسلم فوقفت بتلقائية ومحمد وقتها ابتسم بتلقائية
محمد بابتسامة صباح الخير يا صبا انتي رايحة فين كدة
صبا بابتسامة انا خارجة اجيب طلبات لخالتو وكمان هشتري روايا ليا
محمد برفعة حاجب روايات كمان. لا احنا كدة عدينا مرحلة كبيرة اوي
صبا بخجل انا بس حبيت الروايات اوي ولسة مخلصة رواية عجبتني اوي فقولت اجيب غيرها
محمد بابتسامة طيب ممكن اجي معاكي ولا مش ممكن
صبا بتردد انا بس مش عاوزة اعطلك يعني
محمد باصرار لا طبعا انا عن نفسي فاضي جدا يلا بينا
ابتسمت صبا بفرحة ومشيت مع محمد وكانو طول الطريق بيتكلمو واكتشف محمد حجات كتير جميلة عن صبا وكان مبسوط اوي بالوقت اللي بيقضيه معاها وعشان كدة كان بيحاول يستمتع بكل لحظة معاها
محمد بابتسامة صبا ممكن تقوليلي بتحبي ايه اكتر الورد ولا الهدايا القيمة
صبا بتلقائية اكيد الورد انا عمري ما فكرت في الهدايا او قيمتها اولا لاني معرفش حد يجيبلي هدايا وثانيا لاني بيفرق معايا الاهتمام اكتر حتي لو بوردة ده كفيل يحسسني اني موجودة في باله
محمد باعجاب صريح انتي جميلة اوي يا صبا
صبا بخجل شكرا احم احنا كدة خلصنا ممكن نروح بقي
محمد بابتسامة لا طبعا لسة اهم حاجة
صبا باستغراب ايه هي الحاجة دي
محمد. بتلقائية هنتغدي سوا الاول طبعا بصي بقي هوديكي مطعم تحفة اوي هيعجبك
صبا بابتسامة ماشي
اخد محمد صبا وراح مطعم يعرفه اوي ودخلو وقبل ما يقعد سمعو صوت علا من وراهم وكانت بتزعق
علا پغضب وانا اقول مش بترد علي تليفونك ليه طبعا ماهو السنيورة ضاحكة عليك ومخلياك لافف وراها
محمد بحدة علااا اخرسي ومش عاوز كلمة زيادة انتي فاهمة
علا بغيظ لا مش هفهم وهوري الناس ان دي خطافة رجالة
محمد بتحذير علا مش هقولها تاني انتي فاهمة
صبا بهدوء .لو سمحت خد علا وامشي يا محمد
علا بعصبية اه اعملي فيها الغلبانة بقي يا بت وانتي ورا كل المصاېب اللي انا فيها
محمد كان هيتكلم بس اتفاجئ برد صبا عليها اللي خلاه يتفاجئ
صبا باندفاع انتي بتعملي كدة ليه هو انا عشان بشكت ومش بتكلم معاكي بتعملي كدة لا يا علا انا لو مش هتكلم فده عشان انا مش زيك مش هروح اكره محمد فيكي واقوله كلام عنك محصلش
محمد بشك استني انتي تقصدي ايه بكلامك يا صبا
صبا وهي بتبص لعلا بقرف خلي خطيبتك تفهمك بس المرادي ابقي قولي الحقيقة متنسيش وبلاش تقولي علي لساني
بليل كانت واقفة صبا وهي بتفكر وباين عليها الندم وكانت متابعاها شاهندا بقلق
شاهندا بهدوء خلاص يا صبا بقي بطلي تأنبي نفسك
صبا بضيق ازاي بس يا خالتي المفروض مكنتش
اتكلمت ابدا انا مش عارفة ازاي مقدرتش اتحكم في اعصابي كدة
شاهندا بابتسامة وانتي كنتي هتعملي ايه وهي بتقولك الكلام ده قدام الناس متشيليش نفسك فوق طاقتها يا
صبا وكبري دماغك يا حبيبتي واهي جابته لروحها وخلت محمد يعرف حقيقتها
صبا كانت هترد بس جرس الباب ضړب فقامت شاهندا تفتح وابتسمت اول ما شافت محمد واقف قدامها اما صبا فاتوترت وهي بتبصله
محمد بابتسامة ازيك يا خالتو
شاهندا بحب اهلا يا محمد يا حبيبي تعالي ادخل
محمد بابتسامة انا كنت جاي عاوز صبا بكلمتين وبعد كدة لينا قاعدة كلنا سوا
شاهندا بابتسامة طبعا يا حبيبي ادخل وانا هروح اعملك شاي
سابتهم شاهندا وقرب محمد من صبا اللي كانت قلقانة ومتوترة
محمد بهدوء ليه خبيتي عليا ليه مقولتليش ان الكلام ده كان كدب
صبا بهدوء مكنش ينفع اقولك كدة لان علاقتكم هتتأثر
محمد بثقة كدة كدة هي مكنتش موجودة اصلا عشان تتأثر يا صبا انا بس ارتبط بيها عشان ابرد ڼاري من كرهك ليا وبعدك عني وتجاهلك ليا
صبا پصدمة انت تقصد ايه يا محمد
محمد بابتسامة يعني انا جاي اسألك تتجوزيني يا صبا
صبا بسرعة لا طبعا محمد انت بتقول ايه ده مستحيل مش انا اللي اعمل كدة واخد خطيب بنت خالتي
محمد بلهفة صبا انتي لو موافقتيش انا مش هعدي اللي حصل وصدقيني هقول لجدتي علي كل حاجة وانتي عارفة انها ممكن تقاطع علا واحتمال كمان خالتي رباب
صبا بسرعة لا يا محمد اوعي لو سمحت وصدقني مش هينفع احنا مفيش بينا حاجة عشان نرتبط
محمد باصرار طيب بصي في عيني وقوليلي ان فعلا مفيش حاجة بينا
صبا بتوتر محمد لو سمحت مينفعش واللي بيحصل ده غلط
محمد بابتسامة اللي بيحصل ده اللي كان لازم يحصل من بدري يا صبا انتي مأخدتنيش منها هي اللي اتعمدت تبعدنا عن بعض وتخليني اتجاهل مشاعري ناحيتك صبا انا اعترفت لعلا اني بحبك من الاول واني مش هقدر انساكي بسهولة وفي نفس الوقت مش قادر اشوفك قدامي وعارف انك بتكرهيني وهي اللي اقترحت عليا اننا نرتبط عشان انساكي
صبا كانت بتسمع محمد پصدمة وهي مش مصدقة ان علا پتكرها للدرجادي والصدمة الاكبر ان محمد بيحب صبا
صبا بتهتهة محمد انت بتتكلم جد
محمد بابتسامة وهو بيمسك ايد صبا بجد يا قلب محمد وافقي يا صبا وخليني احس اني اتولدت من جديد
صبا بخجل وابتسامة هادية موافقة
ابتسم محمد وهو بيبص لصبا بسعادة ووقتها خرجت شاهندا وابتسمت بفرحة وهي بتدعيلهم بالسعادة وخصوصا لصبا اللي صبرت وفازت فعلا
تمت