ساكنة فوق حماتي

ساكنة فوق حماتي
السلام عليكم دلوقتي انا ساكنه فوق حماتي وعندي بنت وولد أطفال لسه ٧ و ٥ سنين حمايا ماټ من رمضان اللي فات وبقت حماتي قعده لوحدها اخدنا باقي رمضان وحوالي شهر تاني كان اكلنا كله معاها عشان متاكلش لوحدها وبعدين بقينا متقطعين عشان ميبقاش فرض عليا و ده اللي يبقى ماشي على طول لأن الموضوع بالشكل ده هيبقى صعب وجوزي له اخوات تاني بس بنات والاتنين متجوزين ومسافرين السعوديه وسايبني لوحدي عاوزني اشيل امهم ومحدش منهم عاوز ينزل
يقعد معاه ومقومين جوزي عليا لاني برفض انه لما يجي من الشغل يفعد ياكل معاها وانا والاطفال بنكون مستنينوا على الاكل وانا والله بنزل لها الاكل كل يوم او هو لما يجي بخليه ينزله لها ويطلع ياكل معانا فامه اوقات مش بترضى تاكل وبتقول شبعانه ورجعوا الاكل او بننزل ناخد الصينيه زي ما هي هل ده يا جماعه زنبي انا عشاان هما بيكلموه يقولوا امك مش بتاكل و عاوزه حد يشجعها على الاكل وهي زعلانه عشان بتسيبوها تاكل لوحدها وجوزي بيحبني وييخاف على زعلي وكمان هو عارف انا بنت مين وبيخاف يزعلني عشان اهلي مش هيسكتوا فبيطلع ياكل معانا تجنبا للمشاكل
بس دلوقتي كل شوية يكلموه عشان الموضوع ده وانا مش هنزل ولا عيالي هتنزل لانهم وحده دخلت المدرسه والولد في
حضانه وكل شوية يقولي مش عاوز مشاكل لا منك ولامنهم ويحسسني بالذنب كل شوية ويقولي امي زعلانه عشان بتقعد على طول لوحدها وبتاكل لوحدها
انا دلوقتي اخدت قراري لو صمم تاني ننزل عندها عشان الاكل هروح عند اهلي لحد ما يجبلي شقه بعيده عنها وهو يبقى يتصرف هو واخواته هل انا كده ابقى غلطانه انا مش عاوزه حد يشاركني في جوزي وفي حياتي ونتلم كلنا على سفره واحده ليه عاوزين يشتتونا ويبعدونا عن بعض