قصة حاجة عملتها

حاجة عملتها ومش عارفة حرام ولا حلال ودماغي مش قادرة تهدى من التفكير فيها
بصوا صاحبتي أختها كانت هتتطلق بعد أربع شهور جواز حماتها طردتها من البيت، ودايقني الموضوع جدًا
حاولنا بكل الطرق نصلح بينهم بس مفيش فايدة حتى لما العيلتين تدخلوا لا هو كان عايز يرجعها ولا أمه كانت عايزة تسمع وكل كلامه كان مفيش نصيب وخلاص.

في يوم جاتلي فكرة سألت صاحبتي لو عندها صورة لأختها في الفرح مع جوزها قالتلي آه قولتلها تمام خرجنا الصورة وكتبنا عليها حاجات وربطنا فيها قفل وحطينا شَعر وحبة بخور في كيس علشان تبان كأنها عىمل بعدين دفىنتهم في الجنينة بتاعت بيتنا وصورتها كأنها في مقپرة ونزلت الصورة في جروب المنطقة وكتبت لقينا العىمل ده في مق،برة علشان توصل لأهله.

الموضوع انتشر في جروبات المنطقة وبعد ربع ساعة أهل جوزها شافوها وكلموه الدنيا اتقلبت، هو نفسه خاف وافتكر فعلًا إن حد عامل لهم حاجة
فكرر يرجعها ووداها لشيخ علشان يرقيها وبعدها خرجها من بيت أمه وأجر لها شقة لوحدها ورجعوا لبعض من تاني.

دلوقتي مش عارفة اللي عملته ده صح ولا غلىط؟ أنا نيتي كانت خير علشان متتطلقش، وهي نفسها عارفة بكل اللي حصل.
كدا عليا ذنب