قصه كامله

بنات انا عندى مشكله دلوقتى اختى قاعده عندى من شهرين لان أمى اټوفت وقولت تقعد عندى يعنى تطلع من المود اللى فيه علشان هى اصغر اخواتى ولسه متجوزتش هى مخطوبه ومن يوم ما قعدت وهى بتصرف معاشها علينا انا وزوجى وأبنى حتى خزين رمضان التلاتين يوم هى اشتريته والله وكل يوم تشترى حلويات للبيت ولابنى وزوجى بقى ساق فيها ومبقاش يصرف خالص ومن يومين حصل ما بينهم مشكله راح قالها من يوم ما قعدتى عندنا وانتى خربتى البيت وكل ده لان اخوه ومراته لعبو فى ودانه اه والله انا سمعتهم حسبي الله ونعم الوكيل فيهم وهما بيجيبوا فى سيرتنا وزوجى عديم الشخصيه مع أهله وانا مش مرتاحه معاه خالص واختى مصبرانى عليه وانا اتكسرت واتضايقت لما قال لاختى كده راحت زعلت منه وقالتلى انها هترجع الشقه ولو حبيت اشوفها انا اروح لها وهى اصلا مش ناقصها حاجه اقسم بالله يبنات دى دافعه ايجار الشهر لينا والغاز والكهرباء وغير الخزين وهى بتعمل ده لأجلي انا وأبنى فلما زعلت راحت اخدت كل الخزين وطلعت لصاحب البيت اخدت الإيجار وقالتلي جوزك مبيطمرش فيه تعالى عندي واللي انتي عاوزاه وقالتلي هتسبلي فلوس بس انا اتضايقت انها اخدت الحاجه والخزين والايجار وهى عارفه اننا محتاجين وحاسه انها كسرت خاطري فزعلت منها فقالتلي براحتك ده حقى وجوزك راجل مهزء وخدت الحاجه ورجعت ع شقتها وانا مڼهاره من اللي عملته هل يصح تمشى وتاخد الحاجه وهى عارفه اننا محتاجين بالله عليكم ينفع